[pierrot27]

Nagulat ako kay Tricia. Medyo wala pa ako sa sarili at halos hindi ko na matandaan pa ang mga nangyari kagabi. Basta pagka gising ko na lang ay nasa sofa ako nakahiga. Ang daming kalat sa paligid, mga supot ng tsitsirya, mga bote at lata ng alak, at kung anu-ano pa na mga gamit na wala sa ayos.

Oo nga pala. Nagparty-party kami kagabi. Dito sa bahay nila Tricia. Malamang ay nalasing na naman ako kaya eto at ako lang ang hindi nakauwi ng bahay. Alas-diyes na din pala ng umaga. Nagtagumpay ang sikat ng araw sa pagdila sa pupungas pungas kong mukha dahil tagusang salamin na dingding nila.

“Ano? Sama ka?”

Lalo lang yata ako nasilaw nung subukan kong aninagin ang maputi at makinis na balat ng nakashorts lang na anghel na naka-usisa sa aking pagkakahiga. Hindi ko ito inaasahan, crush ko si Tricia, matagal na. Eto na yata yung tinatawag nilang jackpot.

“Seryoso?” tanong ko. Isang mapangahas na pagpigil yon. Kasi pwedeng isipin nya na ayaw ko.

“Oo nga! Kulit” tugon nya sabay hampas sakin ng tuwalyang nakayapos sa kanyang balikat.

Hindi ko mawari kung saan ko nahugot yung lakas ko para makabangon. Sinundan ko sya hanggang makapasok na kami sa medyo kahel sa pagkaka-ilaw na kwarto. Iba talaga pag bahay ng mayaman.

Kinakabahan ako. Hindi ko alam kung ano talaga ang mangyayari, pero ang gusto kong mangyari, unti-unti na nangyayari sa malikot kong isip.

Akmang huhubarin na nya ang suot nyang t-shirt, na lalong nagpabilis ng pagkabog ng dibdib ko at panlalamig ng buong katawan ko; ay bigla syang tumigil.

“O anung hinihintay mo? Babasain mo yang damit mo?”
Mistulang alipin ako na agad hinubad ang suot ko. Lumapit sa kanya na parang isang hayop sa gubat na ninanamnam muna ang presensya ng ilang sandali na lang ay magiging pagkain sa tanghalian na.

Papalapit ako sa kanya ng bigla nyang buksan ang shower. Sa pagbugso ng malamig na tubig sa aking bumbunan, biglang naiba ang paligid sa aking muling pagmulat.

“Hoy! Gising na Menard! Uwi na tayo! Haha.” Malakas na tawanan ang naging kasunod ng mga salitang yun.

-END-

Originally Posted by Mcjoe

samahan mo nga ako maligo

*Only fully-registered users can see this link.*

[panjo]

buti di ako maharot mag-isip..

[Amphie88]

nabitin ang espiritu ko

[PadrePio]

ang galing. may future si ian sa erotic literature.

[darylpadz]

natawa ako hahahaha....

[kriyanz]

Boom. Haha!
Ay nako panaginip, paasa! haha

[jordanc23]

buti wala akong inaasahang mangyayari, haha

[keithdaniel]

hahahahahhhahahahahhaah

okay ah sabi ko na nga eh

[DARKSIDEofME]

pamarka muna basahin ko maya harap magbasa sa cp pag asa sasakyan hehe

[pterpol]

Nalinlang ako sa title ah., haha
Kala ko pa nman eh...

for sharing, ang galing.