Symbianize Forum

Most of our features and services are available only to members, so we encourage you to login or register a new account. Registration is free, fast and simple. You only need to provide a valid email. Being a member you'll gain access to all member forums and features, post a message to ask question or provide answer, and share or find resources related to mobile phones, tablets, computers, game consoles, and multimedia.

All that and more, so what are you waiting for, click the register button and join us now! Ito ang website na ginawa ng pinoy para sa pinoy!

Dapat Bang Makialam sa Politika ang Relihiyon?

Sa buong mundo, maraming tao na nag-aangking sumusunod kay Jesu-Kristo ang aktibong nakikisangkot sa politika. Itinataguyod pa nga ng ilan ang paniniwala nila at prinsipyo sa buhay sa pamamagitan ng pagsuporta sa partikular na mga kandidato o partido. At madalas namang ginagamit ng mga politiko ang mga usaping moral o mga kalagayan sa lipunan para makuha ang suporta ng relihiyosong mga tao. Maraming lider ng relihiyon ang tumatakbong kandidato para sa mga posisyon sa gobyerno. At sa ilang bansa, may mga “Kristiyanong” denominasyon pa nga na kinikilala bilang pambansang relihiyon.

Ano sa tingin mo? Dapat bang makialam sa politika ang mga tagasunod ni Jesu-Kristo? Masasagot mo iyan kung susuriin mo ang halimbawa ni Jesus. Sinabi niya: “Nagbigay ako ng parisan para sa inyo, na kung ano ang ginawa ko sa inyo, dapat din ninyo itong gawin.” (Juan 13:15) Pagdating sa politika, anong parisan ang ibinigay ni Jesus?

Nakialam ba si Jesus sa politika?​

Hindi. Hindi nakialam si Jesus sa politika ng mundong ito.

Hindi naghangad si Jesus ng kapangyarihan sa politika. Tumanggi siyang maging tagapamahala ng mga gobyerno ng tao nang ialok ni Satanas na Diyablo ang “lahat ng kaharian sa mundo.” (Mateo 4:8-10) * Sa isa pang pagkakataon, nakita ng mga tao ang kakayahan ni Jesus sa pamamahala kaya sinubukan nila siyang ipasok sa politika. Sinasabi ng Bibliya: “Dahil alam ni Jesus na papalapit na sila para kunin siya at gawing hari, muli siyang umalis na nag-iisa papunta sa bundok.” (Juan 6:15) Hindi nagpadala si Jesus sa gusto ng mga tao. Sa halip, iniwasan niyang masangkot sa politika.

Walang pinanigan si Jesus nang magkaroon ng politikal na isyu. Halimbawa, noong panahon ni Jesus, nagagalit ang mga Judio sa buwis na kailangan nilang bayaran sa gobyerno ng Roma. Para sa kanila, pabigat iyon at di-makatuwiran. Nang subukan nilang hingin ang opinyon ni Jesus sa isyu, hindi siya nakipagtalo kung makatuwiran ba o hindi ang pagbubuwis na iyon. Sinabi niya sa kanila: “Ibayad ninyo kay Cesar ang mga bagay na kay Cesar, pero sa Diyos ang mga bagay na sa Diyos.” (Marcos 12:13-17) Nanatili siyang neutral sa politikal na isyung iyon, pero ipinakita niyang dapat bayaran ang buwis na hinihingi ng gobyerno ng Roma, na lumalarawan kay Cesar. Pero itinuro din niya na may limitasyon lang ang pagsunod sa sekular na awtoridad. Hindi dapat ibigay ng isang tao sa gobyerno ang mga bagay na para sa Diyos, gaya ng debosyon at pagsamba.—Mateo 4:10; 22:37, 38.

Sinuportahan ni Jesus ang isang gobyerno sa langit, ang Kaharian ng Diyos. (Lucas 4:43) Hindi siya nakialam sa politika kasi alam niyang hindi gobyerno ng tao, kundi Kaharian ng Diyos, ang gagawa ng kalooban ng Diyos sa lupa. (Mateo 6:10) Alam niyang hindi gagamitin ng Kaharian ng Diyos ang gobyerno ng tao, sa halip, papalitan niya ito.—Daniel 2:44.

Nakialam ba sa politika ang unang-siglong mga Kristiyano?​

Hindi. Namuhay ang mga tagasunod ni Jesus ayon sa sinabi niyang “hindi kayo bahagi ng sanlibutan.” (Juan 15:19) Tinularan nila ang halimbawa niya at nanatiling hiwalay sa politika. (Juan 17:16; 18:36) Imbes na makialam sa politika, ginawa nila ang gawaing ibinigay sa kanila ni Jesus—ang mangaral at magturo tungkol sa Kaharian ng Diyos.—Mateo 28:18-20; Gawa 10:42.

Para sa unang-siglong mga Kristiyano, ang pagsunod sa Diyos ang pinakamahalaga sa buhay nila, pero alam din nilang dapat nilang irespeto ang sekular na awtoridad. (Gawa 5:29; 1 Pedro 2:13, 17) Sumunod sila sa batas at nagbayad ng buwis. (Roma 13:1, 7) Hindi sila nakialam sa politika, pero pinahalagahan nila ang proteksiyon at serbisyong ibinibigay ng gobyerno.—Gawa 25:10, 11; Filipos 1:7.


Mga Kristiyano noon at ang politika—ang sinasabi ng kasaysayan​

  • “Tumangging makibahagi ang mga Kristiyano sa ilang gawain ng mga mamamayang Romano. . . . Ayaw nilang humawak ng anumang posisyon sa pulitika.”—On the Road to Civilization—A World History, pahina 238.
  • “Walang katiting man na katibayan na magpapangyari sa atin na mag-isip na si Jesus ay nagkaroon ng mga ambisyong militar/pulitikal, at . . . totoo rin ito sa mga alagad.”—Jesus and Judaism, pahina 231.
  • “Sa isang Kristiyano ang kaniyang relihiyon ay isang bagay na hiwalay sa at mataas kaysa sa pulitikal na lipunan; ang kaniyang pinakamataas na sinumpaang itataguyod ay hindi si Cesar kundi si Kristo.”—Caesar and Christ, pahina 647.
  • “Handa si [apostol] Pablo na gamitin ang kaniyang pagkamamamayang Romano para sa kaniyang mga karapatan sa paglilitis, pero hindi siya nakisangkot sa mga isyu hinggil sa polisiya ng gobyerno. . . . Bagaman naniniwala silang dapat nilang igalang ang mga nasa awtoridad, hindi naniniwala ang unang mga Kristiyano na dapat silang makisali sa pulitika.”—Beyond Good Intentions—A Biblical View of Politics, pahina 122-123.
  • “May paninindigan ang karamihan sa mga Kristiyano na wala sa kanilang mga miyembro ang dapat humawak ng katungkulan sa ilalim ng estado . . . Noon pa mang pasimula ng ikatlong siglo, sinabi na ni Hippolytus na ang makasaysayang kaugalian ng mga Kristiyano ay humihiling sa isang mahistradong pambayan na magbitiw sa kaniyang tungkulin bilang kondisyon sa pagsama niya sa Simbahan.”—A History of Christianity, Volume I, pahina 253.

Kristiyanong neutralidad sa ngayon​

Malinaw na ipinapakita ng Bibliya na hindi nakialam sa politika si Jesus at ang mga tagasunod niya noon. Kaya naman bilang mga Kristiyano, ang mga Saksi ni Jehova sa buong mundo ay nananatiling neutral sa politika. Gaya ng unang-siglong mga Kristiyano, ginagawa nila ang gawaing ibinigay ni Jesus—ang pangangaral ng “mabuting balitang ito tungkol sa Kaharian.”—Mateo 24:14.
 
Visit JW.ORG for more information. You can choose your own preferred language.
 
NO. If they cannot contribute anything significant to solving the problems of this country, then they better shut up.
 
Separation between the church and state.
 
Religious Organization does not pay taxes. Therefore, they are not allowed to meddle with politics.
 
Religious Organization does not pay taxes. Therefore, they are not allowed to meddle with politics.
most of them po are paying taxes. except sa Catholic church if am not mistaken.
IMO di naman sila nakikialam, they're just voicing out their opinion na.
 
most of them po are paying taxes. except sa Catholic church if am not mistaken.
IMO di naman sila nakikialam, they're just voicing out their opinion na.
Article VII, Section 28 (3) of the 1987 Constitution, it specifically provides there that religious and or churches or charitable institutions also are exempt from taxation.

Why would they pay taxes if they are exempted?

Or baka may bagong batas na hindi ko alam?
 
mga religious groups po ay registered sa SEC, if not yung properties / assests nila nakapangalan sa pastor or head of the church na di naman dapat. So once na registered na sila sa sec may tax na silang dapat bayaran.
 
hindi dapat nangingialam. dati, iniisip ko na nangingialam ang Catholic. pero na realize ko na malakas lang talaga ang voice nila to the extent na para silang nangingialam o nangingisawsaw sa politika at dahil malakas ang influence ng Catholic at malakas ang voice nila dahil meron silang freedom of expression like 80% percent of people are Catholics at major religion ang Catholic sa pinas, siyempre, majority wins, matatabunan ang mismong mga tao na nasa politics and in the end, mag aagree sila kung ano ang voice ng Catholic people kaya ang tingin ng ibang tao, nangingialam ang Catholic church sa politika na ang totoo, di sila nangingialam. malakas lang talaga ang voice at influence ang Catholic dahil nga majority of people are Catholic, kaya kung ano ang majority wins, politically, lalo na kung presidente din ay Catholic pagkatapos kasama pa niya ang bishop na taga advice, o? diba? nagmumukha nangingialam na ang simbahan sa politika kahit hindi.

maswerte na lang kung non Catholic ang presidente dahil kung ano ang advice ng bishop, hindi siya makikinig dahil hindi naman siya naiinfluence from the Catholic beliefs kahit ba mag rally ang lahat ng people na majority is Catholic, hindi talaga sila pakikinggan malamang.

I think lahat ng presidente na umupo is Catholic (ata lang) except lang na isang presidente na hindi Catholic ay si Duterte. Deist daw siya.

diba? Catholic ang 1st religion natin nang sinakop tayo ng espanyol kahit sa history, ang government natin noon ay meron katabi na bishop na taga advice na ang kulang na lang ay siya na ang maging presidente. history is history.
 
Last edited:
Hindi rin ako pabor na makialam ang mga religious groups sa politika.

But at the same time, wala rin namang batas na pinagbabawalan ang mga religious groups na ito na maglabas ng mga hinaing at opinyon tungkol sa mga political events ng bansa. Hindi rin naman kasi pwedeng i-consider as direct political action ang paglalabas ng opinyon eh, regardless kung saan nila nilabas (either in social media or traditional media) so nandyan yung gray area na hindi saklaw ng Saligang Batas natin (re. sa paglalabas ng political opinions).

Ang pangit lang, syempre tine-take advantage yan ng ibang religious officials para makapag-sway or makapag-convince ng mga followers nila in hopes na gumawa sila ng aksyon. Sa part na yan, wala na tayong magagawa dyan....either sumunod na lang OR sumuway sa gusto nilang mangyari.

At the end of the day, importante pa rin na maging aware tayo na tayo pa rin naman ang masusunod sa huli eh. May kanya-kanya naman tayong free will. Gamitin na lang natin yun.
 
Hindi, stated sa law yan na hindi dapat magmeddle ang church sa politics as what our professor have said.
 
Back
Top Bottom