Makakatulong ba ang Bibliya Para Maging Maligaya ang Aking Pamilya?

[Arminz]

​

​

Ang sagot ng Bibliya​

Oo. Narito ang ilang matalinong payo mula sa Bibliya na nakatulong sa milyun-milyong babae at lalaki para maging maligaya ang pamilya nila.

1. Gawing legal ang inyong pag-aasawa. Ang pagpapakasal at pangakong magsasama kayo habambuhay ang pundasyon ng maligayang pamilya.—Mateo 19:4-6.
2. Magpakita ng pag-ibig at paggalang. Kasali rito ang pakikitungo sa iyong asawa sa paraan na gusto mong pakitunguhan ka.—Mateo 7:12; Efeso 5:25, 33.
3. Iwasang magsalita nang nakasasakit. Magsalita nang may kabaitan kahit nasasaktan ka sa sinasabi o ginagawa ng asawa mo. (Efeso 4:31, 32) Ganito ang sabi ng Bibliya sa Kawikaan 15:1: “Ang sagot, kapag mahinahon, ay pumapawi ng pagngangalit, ngunit ang salitang nakasasakit ay pumupukaw ng galit.”
4. Maging tapat sa isa’t isa. Huwag magkaroon ng romantiko o seksuwal na kaugnayan sa hindi mo asawa. (Mateo 5:28) Ang sabi ng Bibliya: “Maging marangal nawa ang pag-aasawa sa gitna ng lahat, at maging walang dungis ang higaang pangmag-asawa.”—Hebreo 13:4.
5. Sanayin sa maibiging paraan ang inyong mga anak. Huwag maging kunsintidor pero huwag ding maging mabagsik.—Kawikaan 29:15; Colosas 3:21.

 

[logens_ko]

Anong masasabe mo sa isang pamilya na hindi nag babasa ng bibliya po? O iba ang kanilang binasa na libro tulad ng quran o baghavadgita. pero ina-apply nila yung limang payu na tinutukoy nyo sa itaas, at sila po ay maligayang pamilya?

 

[Flash684]

Ang sabi po ni TS, "Makakatulong"
di naman po sinabi ni TS na Bibliya lang ang paran para maging masaya ang pamilya