Poem Tagong Tinig

Tagong Tinig




Isang mahinang awit
Sa isang sulok ng iyong dibdib.
Isang natatanging musika,
Nais kumawala sa hawla.
"Dining mo ba ang aking tinig?"
"Hanapin mo ako, sa pagitan ng mga pintig."


Ang katapusan at simula'y magkatalikuran
Sa gitna ng dilim na nararamdaman.
Nais kong maalala mo ang nakaraan,
Habang inihahatid ka ng aking mga nota sa kinabuksan.
"Sa ganito ba matatapos ang kanta?
O, pasakalye ba ito para sa panibagong simula."


Sumasayaw, sumasayaw
Umiindayog, pilit gumagalaw.
Ginagapos ng katahimikan,
Pilit na tinatalikuran.
"Aabutin ko ang iyong pandinig.
Pakinggan mo ang aking hiling."


Ikinukulong ng damdamin
Tinatabunan ng dilim.
Ligaya mo'y pilit ipinipikit
Binibingi ng mundong mapagkunwari.


Umaaawit, Umaawit
Sumisigaw, sinasagad ang tinig.
Ipararating ang tinatagong awit.
Hanggang ngiti sa'yong mga labi ay bumalik.
Sa tunay mong ligaya, ika'y ihahatid.








for Reading!​

 

[arcajx]

Husay po.. ibang klase ka talaga

 

[Miss Red]

Ikinukulong ng damdamin
Tinatabunan ng dilim.
Ligaya mo'y pilit ipinipikit
Binibingi ng mundong mapagkunwari.


​

Yun may malalim na dahilan o pinaghugutan yun stanza na to. ramdam kong malungkot ka habang sinusulat mo to.

 

[WakaTok]

kinikilabutan talaga ak osa tula mo sir minf hahha astig

 

[mind^^FREAK]

Husay po.. ibang klase ka talaga

for reading at pagiwan ng comment. Hope you enjoyed the poem.

kinikilabutan talaga ak osa tula mo sir minf hahha astig

kapanalig. Masaya akong naabot ng tula yung iyong damdamin. Kailan ka susulat ulit?

Yun may malalim na dahilan o pinaghugutan yun stanza na to. ramdam kong malungkot ka habang sinusulat mo to.

sa pagbisita binibini

Mabigat nga yung mga linya ng tula, pero may positive na perspective yan.
Assignment mong alamin.. Alam mo naman na yung meaning nyan.




Sa nagpapapagawa ng tula for school purposes, you can go to this link, basa ka lang dyan makakagawa ka ng sarili mong poem :

http://www.symbianize.com/showthread.php?t=402966