Naubusan na ko ng masusulatan
Napiga ko na ang huling patak ng tinta
Naibuhos ko na ang lahat ng laman ng utak
Wala na akong maisulat
Di na mahagilap ang mga salita
Wala ng mabuo na mga talata
Blanko na ang dating makukulay na kabanata
Sarado na ang libro ng mahika
Wala na kasi akong mapaghutan
Ng dahilan para muling masimulan
Ang nobelang di ko na alam kung patungo saan
Parang ayaw ko ng ipagpatuloy kinabukasan
Halos di ko na makita ang sikat ng araw
Tila ba matagal na siyang pumanaw
Kahit ang liwanang ng buwan ipinagdamot
Ninakaw na ata ng aking mga takot
Naubusan na ako ng masusulatan
Hirap na akong humagilap ng tapang at tinta
Pagod na akong lamnan ang gagarampot na utak
Wala na akong maisusulat
Last edited: