Bakit ang mga bansang kumalaban sa US tulad ng Vietnam at Japan ay mga umaasensong bansa? ang pilipinas na kumampi sa kanila, ewan ko kung umasenso na!
sa giyera ng hapon at kano sa pinas. pinakamadami ang mga pinoy na namatay dahil sa mga amerikano, halos Milyon, women and children included... isama mo pa yung mga pinatay nila sa japan ng atomic bomb na galing sa pilipinas... kung bibilangin mo ang pinatay ng mga kano na yan sa buong mundo sa ibat ibang bansa eh,bahala ka.. ang alam ko e mas madami sila kesa sa mga drug pusher na napapatay sa pilipinas.. pinalaya daw tayo ng mga kano sa mga hapon pero ang totoo.. tayo ang pinalaya ng mga hapon sa kanila... kailangan ng mga americano ang pilipinas para sa puwersa nila sa asia.. kailangan ba talaga sila ng asia? ano ang motibo nila sa asia? ang naganap o nagaganap pa na drug war sa Columbia mula noong dekada 70's ay mas malalala kesa sa nangyayari sa pilipinas.. libo libong pulis (mabubuting pulis) na ang napatay ng mga drug lords sa kanila,,. sana hindi na magaya ang pinas sa kanila. wag sana tayong mamatayan ng libo libong pulis...
Human Rights? sino ang bansang may pinaka madaming pinatay sa buong mundo? China? Rusia? German? Japan? North korea? Iraq? US? Pilipinas?
totoong may nalalabag na human rights sa pilipinas.. human rights nino? simula pa noong unang panahon, parte na ng pang araw araw na buhay natin ang human rights violation, lagi na lang.. milyon milyong MABUBUTING tao na ang nabiktima ng human rights violation na yan, MGA TAONG WALANG KALABAN LABAN...
NASAAN ANG HUMAN RIGHTS BUWISET NOONG NAPAKADAMI ANG PINAPATAY NG MGA KRIMINAL? NASAAN ANG HUMAN RIGHTS NUNG BINOMBA NG MGA AMERIKANO ANG MAYNILA NA MAYROONG LIBO LIBONG PINOY NA NAMATAY? NASAN ANG HUMAN RIGHTS NOONG LAGLAGAN NG ATOMIC BOMB ANG JAPAN? NASAAN ANG HUMAN RIGHTS NOONG GINAWANG ALIPIN NG MGA AMERICANO ANG MGA ITIM? (tao.. gagawin mong property?).....
Napaka laking tulong talaga ng human rights na yan para sa karapatan nating mga pinoy.. NANJAN SILA NGAYON para sa bansa natin ngayong nagkakantahan ang mga preso sa bilibid!
Naku! Ang hirap talaga ipaliwanag ang lahat pag ang tao ay makitid kung mag-isip. Kung saan saan napupunta ang usapan at di nakukuha ang punto por punto. Tama nga ang kasabihan sa Bibliya na sinasabi, 'Huwag mong sawayin ang manglilibak, baka ipagtanim ka niya: sawayin mo ang pantas, at kaniyang iibigin ka.' (Proverbo 9:8). Ito na ang huli kong pagpo post dito sa thread na to, bago maging baboyan na lahat.
Issue 1: Sinabi niya sa giyera ng Hapon at Amerikano sa Pinas, eh marami daw ang namatay na Pilipino, halos milyon daw, babae at bata. At parang mga Amerikano lang ata ang naging dahilan ng kanilang kamatayan.
Tanong: Ang mga Amerikano ba ang pumatay sa mga Pilipino?
Sagot: Hindi po ang mga Amerikano ang pumatay sa mga Pilipino. Nagkakampi kampihan ang mga bansa noon, Axis Powers vs. Allied Forces at kumampi po ang mga Pilipino sa Amerikano laban sa Hapon. Mahiya naman pokayo sa mga World War 2 veterans natin na ibinuwis ang kanilang buhay para sa ating kalayaan.
Issue 2: Maraming pinatay ang Amerikano sa Japan dahil sa paghulog nila ng Atomic Bomb.
Tanong: Wala bang pinatay ang mga hapon ma Pilipino man o Amerikano? Ano ba ang dapat gawin sa isang bansa na ayaw naman sumurender?
Sagot: Maraming pinatay ang mga hapon dahil sa kanilang pananakop at hindi lang po ito nangyari sa Pinas kung hindi sa ibang mga lugar sa Asya. Nung sinakop ng mga hapon ang Pinas, nagkaroon pa nga ng 'Death March' from Bataan to Tarlac na ikinasawi ng 12,000 POWs (both Pilipino at Amerikano). Sana nakita mo yong palabas na Pearl Harbor' na pa traydor na inatake ng mga Hapon ang mga Amerikano sa Pearl Harbor sa Hawaii na ikinasawi ng marami.
Sa kinalaunan ng gyera, noong matalo naman ng Allied Forces ang grupo ni Hitler ay ayaw pa rin sumurender ng Hapon at nagpatuloy pa ang kanilang karahasan. Natural na gamitin ng Amerika ang bago nilang nadiskubreng imbensyon, ang 'Atomic Power', para mahinto na ang gawain ng Hapon at maisalba na rin ang mga buhay ng mga sundalo ng Allied Forces. Kaya hindi kasalanan ng Amerika yan, nag warning na sila pero ayaw pa rin huminto ng Hapon. (Kung sa tingin mo na talagang demonyo ang Amerika ay dapat sana binomba na lang nila ang buong Japan kaya lang hindi nila ito ginawa.)
Issue 3: Walang Human Rights na sinusunod ang mga Amerikano sa panahon ng gyera nila sa Hapon.
Tanong: May human rights declaration na po ba during World War 2?
Sagot: Wala pa pong universal declaration ng Human Rights noong panahon ng World War 2. Kaya nga po maraming pinatay na mga Jews si Hitler, tinorture at sinunog pa niya. Survival mode po ang nangyari at nagkakampi kampihan po ang bawat bansa para sila ay mapangalagaan at hindi masakop ng kalaban. Nagkaroon lamang ng Universal Declaration of Human Rights noong 1950 after the War na binuo ng United Nations.
Issue 4: Marami napatay ang mga Amerikano sa buong mundo at sa ibang bansa.
Tanong: Marami nga bang pinatay ang mga Amerikano sa buong mundo at sa ibang bansa?
Sagot: Kung sa WW2, hindi lang po ang mga Amerikano ang maraming napatay, marami din po sa kanila ang namatay gaya ng pumasok sila sa Omaha Beach, France. Kung nakita mo ang movie na 'Saving Private Ryan' at 'D-day', doon mo malalaman ang sinapit ng maraming mga Amerikano.
Issue 5: '..ang alam ko e mas madami sila (napatay) kesa sa mga drug pusher na napapatay sa pilipinas..'
Tanong: Anong kinalaman ng mga Amerikano sa 'war on drugs' ng Pinas?
Sagot: Hindi ko maintindihan ang sinasabi niyang koneksyon ng pagpatay ng mga Amerikano sa 'war on drugs' ng Pinas. Ang War against Drugs po ay kampanya ng Presidente at ng mga kapulisan laban sa droga, addicts, pushers at druglords. Wala pong kinalaman ang mga Amerikano dito. Internal affairs po natin ito. At hindi po isyu dito ang dami ng namatay, ang isyu po dito ay kung nasunod po ba ang titik ng batas ukol sa karapatang pantao ng bawat isa, ma suspect man o hindi.
Issue 6: '.. pinalaya daw tayo ng mga kano sa mga hapon pero ang totoo.. tayo ang pinalaya ng mga hapon sa kanila... kailangan ng mga americano ang pilipinas para sa puwersa nila sa asia..'
Tanong: Tayo nga ba ay pinalaya ng mga hapon? Kailangan nga ba ng Amerika ang Pilipinas para sa pwersa nila sa Asia?
Sagot: Hindi po tayo pinalaya ng Hapon. Bumalik po si Gen. McArthur at ang kanyang pwersa sa Pinas via Dulag, Leyte at tayo po ay napalaya ng combined forces ng mga beterano natin at Allied Forces laban sa mga hapon.
Maraming nagtatanong kung kelangan nga ba talaga tayo ng Amerika para sa presensiya nila sa Asia. Ang presensiya po nila sa atin ay bunga ng ating kasunduan sa kanila na tinatawag na 'Mutual Defense Treaty' na nilagdaan noong August 31, 1951. Ito po ay bunga sa matagal nating ugnayan sa Amerika, naging matatag po ang ating samahan at pakikipagkaibigan sa kanila. Kung ang tanong po ay kelangan ba talaga nila ang Pinas para sa pwersa nila sa Asia? Sa palagay ko hindi. Meron naman silang mga base militar sa South Korea, Japan at Australia. Ang pagbibigay ng Amerika ng independensya sa atin ay pagpapakita lamang ng kanilang respeto sa ating mga Pilipino. Kung susumahin mas marami ang nakukuha natin sa kanila kesa ang nakukuha nila sa atin, ito po ay gaya ng Aid-- military equipment, food, o financial man, investments, grants and loans, and other intangible benefits like favor and goodwill.
Issue 7: '..ang naganap o nagaganap pa na drug war sa Columbia mula noong dekada 70's ay mas malalala kesa sa nangyayari sa pilipinas.. libo libong pulis (mabubuting pulis) na ang napatay ng mga drug lords sa kanila,,. sana hindi na magaya ang pinas sa kanila. wag sana tayong mamatayan ng libo libong pulis..'
Tanong: Dapat bang matulad tayo gaya ng Colombia?
Sagot: Hindi dapat ikumpara ang ating sitwasyon sa Colombia na napabayan ang paghahari nina Pablo Escobar at Jose Rodriguez Gacha. Ang nangyari sa Colombia ay sila ang gumagawa ng mga drugs at ini export sa Amerika. Dahil nga marami ang mahihirap sa kanilang bansa at walang trabaho, napipilitan tuloy pumasok sa masamang bisyo para pantawid gutom. Ang sitwasyon naman sa atin ay tayo ang kumukuha ng mga drugs o materyales galing Tsina, Taiwan at North Korea na nilalako naman dito sa atin. Ang epektibong pagpahinto po ng drug trade sa Pinas ay pagpa file ng protesta sa mga nasabing bansa, bi/multilateral drug intelligence conduit, rehabilitasyon para sa mga user/addict, pagbibigay hanap-buhay/oportunidad sa mga walang trabaho at mahihirap, pagpapabilis sa sistema ng korte, professionalizing/training the police at paggamit ng camera during operation, pag kontrol ng populasyon, paggawa ng batas na walang extradition treaty pag nahuli ang drug trader within our territory, pag-impose ng death penalty sa large scale drug trafficking, etc. Hindi po pinapatay kung suspect pa lamang. Para maiwasan ang posibleng casualty ng mga pulis, dapat mabigyan sila ng kevlar o bullet proof pag nag-aaresto o maghahain ng search o arrest warrant.
Issue 8: '..Human Rights? sino ang bansang may pinaka madaming pinatay sa buong mundo? China? Rusia? German? Japan? North korea? Iraq? US? Pilipinas? totoong may nalalabag na human rights sa pilipinas.. human rights nino? simula pa noong unang panahon, parte na ng pang araw araw na buhay natin ang human rights violation, lagi na lang.. milyon milyong MABUBUTING tao na ang nabiktima ng human rights violation na yan, MGA TAONG WALANG KALABAN LABAN...'
Tanong: Para kanino po ba ang Human Rights?
Sagot: Ang human rights po ay para sa pangkalahatan hindi lang po ito para sa mga suspect, criminal, NPA, pulis, o army lang. Ang Karapatang Pantao po ay nakalagay sa ating Konstitusyon maging sino ka man upang ikaw ay mapangalagaan at hindi maabuso ay iyong mga karapatan. Ang problema po marami sa ating mga kababayan ang ignorante at hindi alam kung ano ang gawain ng CHR. Ang CHR po ay hindi isang korte, ito lamang po ay taga imbestiga at nagbibigay ng rekomendasyon patungkol sa isang asunto o complaint.
Ang hindi ko maintindihan ay ang pagkasabing "..milyon milyong MABUBUTING tao na ang nabiktima ng human rights violation na yan, MGA TAONG WALANG KALABAN LABAN...". Kung ang ibig sabihin nito ay ang mga mabubuting tao ang nabibiktima ng human rights violation gaya ng pagdakip ng Pulils na hindi binabasa ang MIRANDA Rule, pag aresto na wala namang warrant of arrest o search warrant, pagkulong ng autoridad sa isang tao lagpas sa itinakdang oras ng batas na wala namang complaint, pagpatay ng tao na hindi naman self-defense, ay ito po talaga ay pagyurak sa karapatang pantao. Kaya nga po may batas tayo sa Karapatang Pantao ay upang mapangalagaan ang bawat isa lalo na ang mga mabubuti at walang kalaban laban.
Issue 9: '..NASAAN ANG HUMAN RIGHTS BUWISET NOONG NAPAKADAMI ANG PINAPATAY NG MGA KRIMINAL? NASAAN ANG HUMAN RIGHTS NUNG BINOMBA NG MGA AMERIKANO ANG MAYNILA NA MAYROONG LIBO LIBONG PINOY NA NAMATAY? NASAN ANG HUMAN RIGHTS NOONG LAGLAGAN NG ATOMIC BOMB ANG JAPAN? NASAAN ANG HUMAN RIGHTS NOONG GINAWANG ALIPIN NG MGA AMERICANO ANG MGA ITIM?'
Tanong: Nasaan nga ba ang Human Rights? (lol.... hehehe)
Sagot: Ang Deklarasyon ng Karapatang Pantao ay napirmahan po pagkatapos ng World War 2, 1950 po iyan. Ang nangyaring pang-aalipin sa mga 'blacks' ay nangyari bago ang ang deklarasyon noong 1951. Nangyari po ang Emancipation Proclamation ni Abraham Lincoln sa kanyang Gettsyburg Address noong 1863. Kaya nga po nagkaroon ng Civil War sa America at nahati ang bansa. Ang gusto po ni Lincoln ay palayain ang mga 'blacks' at mabigyan ng mga karapatan.
Ang binomba po ng mga Amerikano sa Maynila ay mga kalabang hapon po, hindi po mga Pilipino kasi nga po tayo po ay kaanib nila. (Hindi ho ata kayo nakikinig sa aralin nyo sa Araling Panlipunan o History noong nag-aaral po kayo kaya nangamote ang kinalabasan).
Issue 10: '...Napaka laking tulong talaga ng human rights na yan para sa karapatan nating mga pinoy.. NANJAN SILA NGAYON para sa bansa natin ngayong nagkakantahan ang mga preso sa bilibid!'
Tanong: Ano naman po ang kinalaman ng Human Rights Commission sa Bilibid?
Sagot: Wala naman pong kinalaman ang Commission ng Human Rights sa Bilibid. Ang Bilibid po ay nasa pangangasiwa ng Bureau of Corrections. Kung ano man ang naging pagbabago sa kalakaran sa Bilibid, ito poy responsibilidad ng mga Jailguads, Jail management and penology, Bureau of Corrections at Department of Justice. Kung gusto nyo po mabago ang kalakaran sa NBP ay dapat gumawa ng magandang batas, i-abolish na ang Bureau of Corrections at palitan ng bago (kasi nga compromised na), pag apruba sa Death Penalty, paggawa ng bagong priso na nasa isang isla at walang komunikasyon ng cellphone/internet, rebisahin ang manual ng operasyon ng bilibid prisons, paglalagay ng monitoring camera sa mga prison cells, etc.
Sana po ay naliwanagan kayo, magkaroon ng magandang perspektib o pananaw at hindi yong moro-moro lang. Salamat po.
- - - Updated - - -
magandang topic to ah. sarap mgbasa ng mga comments ng mgkabilang panig
Talagang gaganahan ka po basta ang mga komento ay may sustansiya at hind moro-moro lang.
Peace...