Ang difficulty ng system ay relative sa capacity ng gagawa / programmer. Kung sa baguhan, siyempre mahirap yan, kung sa beterano, medyo mahirap na lang. Bakit medyo mahirap? Sa tingin mo ba ay iisang tao lang ang gumagawa / nagtatrabaho para sa isang malaking sistema katulad niyan? Anyway, ang nagpapahirap kasi jan ay ang integration ng multiple systems para gumana nang tama at naaayon sa gusto mo mangyari. Hindi lang naman yan iisang program na tumatakbong mag-isa. Isang system ung nandun sa client (pasahero), iba pa yung system ng isa pang client (driver-partner), iba pa yung system sa server nila. Kung susumahin? Oo, mahirap. Bakit? Kasi kailangan mo gumawa ng iba't ibang sistema at masiguro na yung mga datos na nakukuha / ibinabato ng mga client apps ay magagamit ng application sa server nila. Kailangan mo matuto ng front-end programming, kabilang dito ang UI (user interface) at UX (user experience), na kung saan, kailangan mo matutunan kung paano, bilang isang user ng app, kung paano ang behavior nila sa pagpili at paggamit ng sistema mo. Kailangan mo pag-aralan kung paano magiging user-friendly ang sistema mo, paano mas magiging kaengga-engganyo ang app mo. Kung paano mo mas mapapadali para sa pasahero ang paggamit ng application mo. Ano po ang kailangan mo? Sa panahon ngayon, kailangan marunong ka gumawa ng mobile app, at hindi lang basta isang mobile app, dahil sa ngayon, kailangan mo gumawa ng app para sa 2 platforms (android at iOS). Kailangan mo matuto ng API integration, gaya na lang ng paggamit nila ng datos ng google map para i-plot ang ruta mo. Yan mga nabanggit ko ay para pa lamang yan sa client-side or para sa mga pasahero at driver-partners mo. Paano pa yung sa server-side? Sa side nila, siyempre kailangan mo pa din gumawa ng UI at UX uli, kailangan mo i-disenyo nang tama ang database. Kailangan mo masiguro na optimized ang structure ng database mo. Kailangan mo matutunan mag-maintain ng napakalaking volume ng mga datos.
Madami pa yata ako nakalimutan