SA PALIPARAN
(awit ng OFW)
Akay akay ang maletang pinagtagpi ng pangarap
Sinusulsi ng pag-asang sa hikahos makaangat
Ang nilalaman nitoy, mga buhay at pangalan
na inaalayan ng ginhawang, noon pa inaasam.
Ikinukubli ang lungkot ng ngiting matamis
upang di mawari, ng pamilyang naghahatid
subalit sa sarili'y, di halos maisilid
ang mga pangambang, naglalaro sa dibdib
Ipinikit ang mata, nang maiwasang mangilid
ang nagbabadyang luhang, sa pisngi ay uukit
sinasambit mga bilin, ng garulgul na tinig
at mga paalaalang, ilang ulit ng inawit
Isang huling yakap, sa anak na kinalong
na di pa batid, ang buhay na papadaong
at sa maybahay, yapos, halik na pinabaon
na di matitikman, ng ilang buwan o taon
At di na mapigilan, kahit pilit naisin
umabot na sa sandaling, sadyang lilisanin
at tanging alaala ang sya munang aakapin
patungo sa ibang bayang di alam ang sasapitin.
(awit ng OFW)
Akay akay ang maletang pinagtagpi ng pangarap
Sinusulsi ng pag-asang sa hikahos makaangat
Ang nilalaman nitoy, mga buhay at pangalan
na inaalayan ng ginhawang, noon pa inaasam.
Ikinukubli ang lungkot ng ngiting matamis
upang di mawari, ng pamilyang naghahatid
subalit sa sarili'y, di halos maisilid
ang mga pangambang, naglalaro sa dibdib
Ipinikit ang mata, nang maiwasang mangilid
ang nagbabadyang luhang, sa pisngi ay uukit
sinasambit mga bilin, ng garulgul na tinig
at mga paalaalang, ilang ulit ng inawit
Isang huling yakap, sa anak na kinalong
na di pa batid, ang buhay na papadaong
at sa maybahay, yapos, halik na pinabaon
na di matitikman, ng ilang buwan o taon
At di na mapigilan, kahit pilit naisin
umabot na sa sandaling, sadyang lilisanin
at tanging alaala ang sya munang aakapin
patungo sa ibang bayang di alam ang sasapitin.
Last edited: