Ito na pala naging result ng efforts mo, sir! Tsk! Nakakalungkot, pero ganun talaga.
Realtalk-in na kita, sir. Mag move on ka na. Wala ng remedyo yan! Wala na! Kapag ayaw sayo ng babae / lalaki, ayaw niyan sayo. Kahit na anong gawin mo, hindi ka pa din niyang magugustuhan. Kahit maglulupasay ka pa dyan, kahit magluluhod ka pa sa entrance ng church papunta sa altar para ipagdasal na sana magbago ang isip niya, kahit mag-alay ka pa ng buhay na baka sa tuktok ng mount apo para lang magustuhan ka din niya, wala, walang mangyayari at hinding-hindi na magbabago ang feelings niya, o ang pagtingin niya para sayo. Mas mabuti pang tanggapin mo na lang kasi yun at yun na lang talaga yung magagawa mo sa ngayon.
Yung mga dinahilan niya sayo mga sobrang common na dahilan na yan eh. Imbis kasi na basted-in ka na kaagad sa umpisa pa lang, wala eh, parang ni-lead ka pa. Kung ako papipiliin, mas gugustuhin ko pa na mabasted sa umpisa pa lang kesa naman pinatagal pa, basted ka pa din naman. Mas mabilis kasi makaka-move-on kapag ganun. Ang hirap kaya kapag nag-build up na yung feelings mo para sa isang tao, pero yung taong yun kahit na katiting na feelings para sayo, wala. Saklap, pero ganun talaga eh.
Tsaka tingin ko hindi ka nanghihinayang sa pinagsamahan nyo, nanghihinayang ka sa efforts mo na nauwi sa wala. Tsaka kahit naman nakilala mo na parents niya, nasa sa kanya pa din naman yung decision eh. Kaso ayun, wala naman pala talaga syang gusto sayo.
Basta, wala kang choice kundi kalimutan na yan at ibaon na lang lahat sa limot. Isipin mo na lang na hindi mo sya kawalan kundi ikaw ang kawalan niya. Madami pang ibang babae dyan. And believe me, nasa tabi-tabi lang yung babaeng para sayo. Tsaka dun kasi tayo sa gusto natin at gusto din tayo. Parang napaka imposible at parang sa fairy tale lang nangyayari? Well, nope. Ganyan kasi nangyari sa akin. So ibig sabihin mangyayari din sayo yun. Matuto ka din kasing maghintay. Darating din yung babaeng para sayo. Kaya for the meantime, gamitin mong dahilan yan para iimprove sarili mo. Hindi pa katapusan ng mundo kaya wag kang panghinaan ng loob at mawalan ng pag-asa. Tuloy lang ang buhay.
