Poem Huwag mo nang dalawin

Reposting this para sa undas.

† DALAW †


Huwag mo ng dalawin
Ang puntod ng nasawi kong damdamin.
Upang hindi na muling lumuha
Ang mga kandila ng ala-ala.

Hayaan mong matabunan
Ng mga damo ng paglimot
Ang palibot ng puntod
Upang tuluyan ng di mapansin.
Hindi ba 'yun naman talaga
Ang nais mong gawin.

Ang kupas na pintura
Ay huwag mong sasapawan
'di ko na nais manariwa
Ang sakit na nadama.
Bawat bitak at lumot
Bawat bahid ng natuyung luha
Lahat yan sa'ki'y mahalaga.

Huwag mo ng dalawin
Ang puntod ng nasawi kong damdamin.
Pagkat ang dinadalaw lamang
Ay yaong mga nais pa sanang makapiling.



















►for reading◄

♣mind^^FREAK♣
​

 

[WakaTok]

Saktong sakto araw ng mga HUGOT hehehehe

 

[electric leroux]

Ang angas ng tula.
Bangis talaga.

 

[mind^^FREAK]

sa pagbasa mga kaibigan

Ipagpatuloy natin ang pagkakalat ng talinhaga.