PAGLISAN
Ako’y lulan ng sasakyan, patutungo kung saan man,
Pansamantalang lalayo, saglit na ika’y iiwan.
May ngiti sa aking labi, subalit bakas ang hapdi
Pangungulila sa iyo ay lalo nang sumisidhi.
Saiyo ako namulat, gumising sa’king ulirat
Tumulong sa’king makita, ang kanilang mga kalat
Saksi ka sa’king pagbasa, pati na rin sa pagsulat
At tinuro mo sa akin ang aking tunay na balat.
Kung maaari lang sana’y pigilin yari mong luha
Sapagkat ang sa akin din, pumipilit kumawala.
Iyong subukang ngumiti, sikaping maging Masaya
Dahil darating na araw, tayo’y muling magkikita.
Ang aking hiling lang sana, huwag mo akong pigilin.
Nang ang pangarap kong ito ay hindi na mabibitin
Pag ako na ay nagbalik, ika’y aking yayakapin
Ang nag iisang ina ko, ika’y mahalaga sa’kin.
Ako’y lulan ng sasakyan, patutungo kung saan man,
Pansamantalang lalayo, saglit na ika’y iiwan.
May ngiti sa aking labi, subalit bakas ang hapdi
Pangungulila sa iyo ay lalo nang sumisidhi.
Saiyo ako namulat, gumising sa’king ulirat
Tumulong sa’king makita, ang kanilang mga kalat
Saksi ka sa’king pagbasa, pati na rin sa pagsulat
At tinuro mo sa akin ang aking tunay na balat.
Kung maaari lang sana’y pigilin yari mong luha
Sapagkat ang sa akin din, pumipilit kumawala.
Iyong subukang ngumiti, sikaping maging Masaya
Dahil darating na araw, tayo’y muling magkikita.
Ang aking hiling lang sana, huwag mo akong pigilin.
Nang ang pangarap kong ito ay hindi na mabibitin
Pag ako na ay nagbalik, ika’y aking yayakapin
Ang nag iisang ina ko, ika’y mahalaga sa’kin.
)
nakakadala ng damdamin. 
sana matulungan mo ang mama mo, bilang sukli ng pagmamahal na iginugogol niya sayo. 
