Poem Pangalawa

Pangawala

Gusto kong maging malaya,
Malayang magmahal at mahalin
Malayang ipagmalaki ka at maipagmalaki din
Malayang magpatawad at patawarin
Malayang isigaw ka at ipagsigawan din

Ayoko ng nakatago sa iyong likuran
Maging anino mo at sunud-sunuran
Ayoko ng damdamin ko’y mabaliwala
Na ang luha ko’y ipagwalang-bahala

Kung sana ang tawa ko’y sayo ay musika
Ngunit kahit ngiti ko’y hindi sayo mahalaga
Kung sana sa listahan mo ako’y iyong una
Subalit sa araw-araw ako’y pangalawa

Sumisigaw ang puso ko sasakit
Dahil ang buhay ko’y napuno na ng pait
Nang ang kalayaan ko’y iyong ipagkait
Mula sa pag-ibig mong walang kasing lupit

Ayoko ng mabuhay sa kasinungalingan
Sa mga pangakong walang kasiguraduhan
Kahit gaano pa katamis ang iyong salita
Hindi na sapat ang katagang mahal kita

Gusto kong maging malaya
Malayang magmahal at mahalin
Malayang ako’y kilalanin
Malayang mundo mo’y maging atin
Malayang ikaw ay maging tunay na akin​