Sa blangkong papel na kulay puti
dala ang katahimikan ng bawat sandali
mga imahinasyon na pilit kinukubli
at mga damdamin na sa isip ko lang nakatali
wala sa hinagap ko ang mapadpad dito
pero dito ako dinala mula sa tinakasan kung mundo
pinipilit maging makata kahit wala sa dugo ko
baka sakaling may umusbong na matatawag kong talento
ito ang mundo kung saan sarili mo lang ang kapaligiran
iba't ibang emosyon na tanging ikaw lang ang nakakaalam
sa bawat pag bukas mo sa pinto ng iyong pinaghuhugutan
mabibigyan mo ng buhay ang papel na iyong hinahawakan
subukan mong lumiban sa takbo ng reyalidad pansamantala
ng detalyado mong makita ang hindi nakikita ng iba
at simulan mong ipinta gamit ang iyong pluma
dahil isa kang pintor na gumuguhit gamit ang mga salita
lahat ng tao ay pwedeng maging makata
makipaglaro sa mga letra at bumuo ng mga salita
pakinggan ang puso at intindihin ang nilalaman ng diwa
at padaluyin ito sa di-pangkaraniwang pandama
minsang may nagtanong sa akin kung bakit ako sumusulat
hindi naman ito masasama sa libo-libong aklat
sinagot ko sya ng pangungusap na may dalawampung sukat
"dahil sa katulad mong hindi nagbabasa sa iisang pabalat"
isang tula ang nabuo sa papel na kulay puti
ito'y hinabi ko pa, gamit ang sandali
na binibigkas ng bibig at isip mo ng walang pasubali
habang ika'y palabas sa mundong kanina mo pa iniisip.
-emMantot
dala ang katahimikan ng bawat sandali
mga imahinasyon na pilit kinukubli
at mga damdamin na sa isip ko lang nakatali
wala sa hinagap ko ang mapadpad dito
pero dito ako dinala mula sa tinakasan kung mundo
pinipilit maging makata kahit wala sa dugo ko
baka sakaling may umusbong na matatawag kong talento
ito ang mundo kung saan sarili mo lang ang kapaligiran
iba't ibang emosyon na tanging ikaw lang ang nakakaalam
sa bawat pag bukas mo sa pinto ng iyong pinaghuhugutan
mabibigyan mo ng buhay ang papel na iyong hinahawakan
subukan mong lumiban sa takbo ng reyalidad pansamantala
ng detalyado mong makita ang hindi nakikita ng iba
at simulan mong ipinta gamit ang iyong pluma
dahil isa kang pintor na gumuguhit gamit ang mga salita
lahat ng tao ay pwedeng maging makata
makipaglaro sa mga letra at bumuo ng mga salita
pakinggan ang puso at intindihin ang nilalaman ng diwa
at padaluyin ito sa di-pangkaraniwang pandama
minsang may nagtanong sa akin kung bakit ako sumusulat
hindi naman ito masasama sa libo-libong aklat
sinagot ko sya ng pangungusap na may dalawampung sukat
"dahil sa katulad mong hindi nagbabasa sa iisang pabalat"
isang tula ang nabuo sa papel na kulay puti
ito'y hinabi ko pa, gamit ang sandali
na binibigkas ng bibig at isip mo ng walang pasubali
habang ika'y palabas sa mundong kanina mo pa iniisip.
-emMantot