Aking Tag - araw..
Matingkad pa sa sinag ng araw, tadhana ang nagpasya.
Iginuhit ng kapalara’t saksi’y tanging piping kalawakan.
Ang ako at ikaw ay maging tayo.
Sa malapad na kapaparangan.
Habang
Hinaharana ng nag-aawitang mga ibong nakadapo sa sangang napapayid ang dahon.
Ang mayuming suyo’t indak ng mga bubuyog sa tuktok,
Nang mga bulaklak na mayayabong.
Tunay kang
Dinidikta ng hangin...
Binubulong ng isip….
Sinisigaw ng puso….
Na
Ligaya ang ika’y mamasdan.
Katuparan ng panaginip ang ikaw ay makamtan.
Kung kaya’t
Ang pag - ibig ko sa’yo ay katulad ng saranggolang lumilipad,
sa kalagitnaan ng tag - araw.
Gaano man kalayo’t katayog mapadpad,
ay mananatiling hawak ng iyong palad.
Sa ilalim ng sumisikat na araw.
O sa pambihirang pagkakataong -- tila mahiwaga’t bumuhos ang ulan.
Nag - aabang mo’ng mga bisig ang parati’y babalikan.