Actually, just to share with you, biblically speaking and biblical facts, in a sense of ano ba ang kauna-unahang iglesia na sinasabi sa biblia, Basahin natin ang Heb 12:23:
"Sa pangkalahatang pulong at iglesia ng mga panganay na nangatatala sa langit, at sa Dios na Hukom ng lahat, at mga espiritu ng mga taong ganap na pinasakdal,"
Meron palang sinasabi ang biblia na "Iglesia ng mga panganay" bakit panganay? sino yung mga panganay na sinasabi ng biblia?? basahin natin sa Exodo 4:22
22 At iyong sasabihin kay Faraon, Ganito ang sabi ng Panginoon, Ang Israel ay aking anak, aking panganay:
Ito pala ang kauna-unahang iglesia sinasabi sa biblia, ito ay ang bayang Israel na pinamumunuan ni Moises. Actually, may iba pang tawag ang biblia sa "Iglesia ng mga Panganay", basahin natin ang Gawa 7:37-38
37 Ito'y yaong Moises, na nagsabi sa mga anak ni Israel, Palilitawin ng Dios sa inyo ang isang propeta na gaya ko, mula sa inyong mga kapatid.
38 Ito'y yaong naroon sa iglesia sa ilang na kasama ang anghel na nagsalita sa kaniya sa bundok ng Sinai, at kasama ang ating mga magulang: na siyang nagsitanggap ng mga aral na buhay upang ibigay sa atin:
Isa pa sa tawag ng Biblia sa "Iglesia ng mga panganay" ay "Iglesia sa Ilang". Ito yung iglesia na pinamumunuan ni Moises kung san siya tumanggap ng salita mula sa anghel sa bundok ng Sinai. Ito yung tunay na Iglesia sa panahon ng Israel, panahon ng lumang tipan. Eh kaso, nabuwal ito, nangalat ang mga tupa, iniligaw ng mga masasamang propeta, basahin natin sa Jer 23:1-4
1 Sa aba ng mga pastor na nangagpapahamak at nangagpapangalat sa mga tupa sa aking pastulan! sabi ng Panginoon.
2 Kaya't ganito ang sabi ng Panginoon, ng Dios ng Israel, laban sa mga pastor na nangagpastol ng aking bayan, Inyong pinangalat ang aking kawan, at inyong iniligaw sila, at hindi ninyo sila dinalaw; narito, dadalawin ko sa inyo ang kasamaan ng inyong mga gawa, sabi ng Panginoon
3 At aking pipisanin ang nalabi sa aking kawan mula sa lahat na lupain na aking pinagtabuyan sa kanila, at aking dadalhin sila uli sa kanilang mga kulungan; at sila'y magiging palaanak at magsisidami.
4 At ako'y maglalagay ng mga pastor sa kanila na kakandili sa kanila; at hindi na sila matatakot, o manglulupaypay pa, o kukulangin ang sinoman sa kanila, sabi ng Panginoon
Dahil sa iniligaw ng mga masasamang pastor ang Israel (Iglesia ng mga Panganay, Iglesia sa Ilang), ibabangon muli ng Dios ang bayan niya, maglalagay ang Dios ng pastor para tipunin ang mga tupa at dalhin muli ang tupa sa kulungan na siya namang naganap sa pagdating ni Cristo dito sa lupa. Basahin natin sa Isa 45:13, Mat 15:24, Mat 16:18
Isa 45:13 Aking ibinangon siya sa katuwiran, at aking tutuwirin ang lahat niyang lakad; kaniyang itatayo ang aking bayan, at kaniyang palalayain ang aking mga natapon, hindi sa halaga o sa kagantihan man, sabi ng Panginoon ng mga hukbo
Mat 15:24 Datapuwa't siya'y sumagot at sinabi, Hindi ako sinugo kundi sa mga tupang nangaligaw sa bahay ni Israel
Juan 10:16 At mayroon akong ibang mga tupa, na hindi sa kulungang ito: sila'y kailangan din namang dalhin ko, at kanilang diringgin ang aking tinig; at sila'y magiging isang kawan, at magkakaroon ng isang pastor.
Mateo 16:18: At sinasabi ko naman sa iyo, na ikaw ay Pedro, at sa ibabaw ng batong ito ay itatayo ko ang aking iglesia; at ang mga pintuan ng Hades ay hindi magsisipanaig laban sa kaniya
Hindi kagaya ng Iglesia sa Ilang na may nangalat na tupa, nabagsak, napanaigan ng mga masasamang pastor, ang itatayong ng Dios na Iglesia ay hindi na pananaigan ng pintuan ng Hades. Hindi na kayang pasukan ng masasamang pastor o ng Demonyo.
At hindi lang Israelita ang magiging kasangkap ng Iglesiang itinayo ng Dios, kundi pati rin mga Gentil na siya nating mababasa sa Efeso 3:6 at Gawa 2:39
Efeso 3:6 Na ang mga Gentil ay mga tagapagmana, at mga kasangkap ng katawan, at mga may bahagi sa pangako na kay Cristo Jesus sa pamamagitan ng evangelio
Gawa 2:39 Sapagka't sa inyo ang pangako, at sa inyong mga anak, at sa lahat ng nangasa malayo, maging ilan man ang tawagin ng Panginoon nating Dios sa kaniya
Sa Iglesiang itinayo ng Dios sa pamamagitan ni Cristo, Hindi lang israelita ang kasangkap, pati din ang mga Gentil ay kasangkap na din ng Katawan. To elaborate it further, ano ba yung Katawan na sasangkapan din ng mga Gentil? sa Colosas 1:18
18 At siya ang ulo ng katawan, sa makatuwid baga'y ng iglesia;...
To summarize it all, biblical principles and facts, ang kauna-unahang iglesia na sinasabi sa Biblia ay ang "Iglesia ng mga Panganay", ito din ay tinatawag na "Iglesia sa Ilang", which is ang bayang Israel na pinamunuan ni Moises na sa kanila ibinigay ang sampung utos ng Dios mula sa Ilang, sa bundok ng Sinai, kaso kalaunan ay nabuwal dahil iniligaw ng mga masasamang propeta. Sinugo ng Dios si Cristo sa lupa upang muling itayo, tinipon niya ang mga naligaw na tupa, at mas matibay ito dahil naitayo, hindi na ito babagsak dahil itinayo sa ibabaw ng bato na si Cristo at hindi na rin ito pananaigan ng pintuan ng Hades. Noon ang Israel lang ang kasangkap, sa Iglesiang itinayo ng Dios kasama narin kasangkap ang mga Gentil. Ito ang tunay na Iglesia, yung itinayo ng Dios kay Cristo Jesus, maliban doon sa itinayo, hindi na tunay na Iglesia. Awit 127:1 "Malibang itayo ng Panginoon ang bahay, walang kabuluhang nagsisigawa ang nagtatayo: ..."
Salamat sa Dios