Poem [Poem] Hindi ko na alam.

Hindi ko alam kung saan nag-umpisa ang lahat, basta ang tanging natatandaan ko natagpuan kita nang mga panahong kailangan ko ng masasandalan sa tuwing ramdam ko na ang pagod buhat sa paglalakbay sa mundong nababalot ng kalungkutan..

Hindi ko alam kung bakit agad akong nagtiwala sayo o bakit napakagaan ng pakiramdam ko sa tuwing nandiyan ka.. Ang alam ko lang masaya ako kapag kapiling ka at sana, sana di na matapos pa ang mga sandaling iyon..

Hindi ko alam kung pano o bakit natutunan kitang mahalin ang tanging alam ko lang ikaw ang siyang sinigaw ng puso kong matagal ng nakakulong sa karimlan ng kalungkutan..

Maraming tanong ang unti-unting sumisigaw ngunit ang alam ko lang isagot ay

"mahal kita"

Hindi ko alam kung bakit yun lang ang kayang bigkasin ng mga labi ko, basta ang alam ko lang hindi ko kayang mawala ka..


Hindi ko alam kung bakit sa kalagitnaan ng ating kasiyahan may mga pagsubok na dumarating, ang alam ko lang handa akong isugal ang lahat manatili ka lang sa tabi ko..

Hindi ko alam kung paano ko nakakayanang lumaban sa gitna ng iyong pagsuko ay nanatili akong nakakapit sa lahat ng iyong mga pangako.


Hindi ko na alam kung saan magtatapos ang lahat ng ito..


Pero isa lang ang alam ko ikaw babaeng minahal ko ng higit sa buhay ko..

Hindi ko alam kung hanggang kelan ako maghihintay ang alam ko lang balang araw magkikita uli tayo sa daan kung saan tayo unang nagkakilala..

wakas​

 

[demon spade]

thanks for reading