Poem Sapi

Sapi

Ipatak natin ang luha ng iyong alaala
Sa dalisay na tubig ng sandaling paglimot
At masdan ang anyo ng iyong pangamba.

Imulat mo ang mata ng iyong haraya,
Kailan ma'y hindi tatalikod ang kahapong nililimot.
Ipatak natin ang luha ng iyong alaala.

Ang bawat ngiting ipilit mong iniipon
Ay hahalo sa pait na pilit mong nilulunod
Sa dalisay na tubig ng sandaling paglimot.

At mabubuo ang wangis ng tunay mong puso.
Isang kaisaahang ganap; walang bahid ng maskarang ngiti.
Ipatak natin ang luha ng iyong alaala
At masdan ang anyo ng iyong pangamba.


​

 

[jinny]

nakahimas ng musa been a long time ah

 

[mind^^FREAK]

Tagal na nga. Nasapian kasi ako ng tinatawag na katamaran. Hehe nung una indenial pako saying it's just a writer's block.

 

[WakaTok]

ayos to

 

[mind^^FREAK]

Inspired ng pag papatak ng kandila sa tubig. Na sa paniniwala ng iba ay nag papakita ng mga ispirito na sumasanib sa tao.

sa pagbasa kaibigan