Ang Bisikleta Ni Jill
Kinakalawang na rayos at rim
Pudpod na tsinelas sa magaspang na aspalto ang pampigil.
Ito ang bisikleta ni Jill.
Sa gabay ng lumang manibela
Na minana pa mula sa kanyang ama
At tinidor na iginapos ng goma,
tinatahak nya ang lupit ng kalsada
kung saan ang mahina ay bubulagta.
Isang kalyeng puno ng mga nanggagalit na makina,
Mga naguunahang kumita ng pera,
At mapanghusgang mata
Ang araw-araw nyang karera.
Bawat sentimong natitipid
Dagdag na tyansa sa buhay ang hatid
Kaya't di baleng sa pawis ay manglimahid
Saan man patungo, ang bisikleta ay kanyang gamit.
Pipiliting humabol sa mga ka-eskwelang may modernong gamit.
Pumapadyak si Jill patungo sa pangarap na nais makamit.
Mapagtawanan man dahil sa amoy anghit
ang puso at isip nya, sa layunin nakatitig.
Maaraw man o maulan
padyak
pawis
Minsan sa gitna
Minsan sa gilid
Kadalasan pasingit-singit
padyak
pawis
Paahon man o Pababa
Patag o pakurba-kurba
padyak
pawis
padyak
pawis
padyak
pawis
padyak
pawis
Ito ang istorya
Nang minanang bisikleta
Na anak nya na ngayon ang may dala.
Padyak
Pawis
Padyak
Pawis
Patungo sa konting ginhawa.
for reading