Alam nyo kung sino magtutulak maging dictator siya? Yang mga media at mga pumupunang mga bansa gaya ng EU, UN at US. Malamang ko inuubos nila ang pasensya ni Digong hanggang tuluyang maghigpit to at magalit ang taong bayan sa kanya na mismong mga sariling kalahi o tayo mismo ang magpapabagsak sa kanya. Noon pa issue yang EJK na yan ilang dekada na pero ngayon lang naungkat kung kelan mas kakaunti na ang kaso kumpara sa mga nakaraang administrasyon saka nila pupunahin. Di nakikita ng marami satin yang ganyang klase ng taktika ng mga gustong mapabagsak ang isang leader. Imbes na magsuportahan tayo, makikilahok pa tayo sa mas ikakagulo ng bansa natin. Sarili nating kalahi gusto nating hatakin pababa para ang pumalit ay wala na namang magagawang progreso para sa bansa. Ipakita natin sa buong mundo sana kung gaano tayo nagkakaisa para sa bansa natin. Pag nakikita nilang may pumapanig pa sa kanila mas lalakas ang loob nilang diktahan at utusan tayo.
"Alam nyo kung sino magtutulak maging dictator siya? Yang mga media at mga pumupunang mga bansa gaya ng EU, UN at US."
Sa pagkakaalam ko po hindi po dapat media o ibang bansa ang sinisisi natin. May kasabihan nga, bago ka manisi o mag 'finger point' sa iba eh tingnan mo muna ang sarili mo. Kasalanan ba ng media ng mag kober sila sa mga live speeches ng Pangulo? At kasalanan din ba nila ang pag-uulat sa mga sinasabi o pahayag ng Pangulo? Gaya nitong SYMBIANIZE na isang social media, kasalanan ba ng mga tao dito ang pagbibigay ng kanilang mga opinyon o kuro-kuro? At bakit kayo po ay nakikibahagi dito kung sa tingin nyo ay makasalanan itong media?
Siguro po, ito ay isang kasalanan kung ito po ay ipinagbabawal ng ating Saligang Batas, gaya ng nangyayari sa Tsina na bawal ang facebook, at ang mga balita ay naaayon lamang sa mga magagandang nagawa ng kanilang gobyerno.
Sa atin po, tayo ay isang bansang Demokrasya at igina garantiya ng ating Saligang Batas ang malayang pamamahayag na naaayon din po sa batas. Ano po ba ang ibig sabihin ng pamamahayag na naaayon sa batas? Ito po ay isang pamamahayag na eksakto, tama, at di naninirang puri o 'libelous', sapagkat, ang paglabag dito ay may kaukulang parusa base na rin po sa batas. Ipagdasal nyo na lang po na maging Komunista tayo o maging pamahalaan ng Diktadorya para lahat ng balita na pakikinggan at mababasa mo ay pabor para sa gobyerno.
Ano po ang gawain ng medya o 'media'? Ang medya po ay taga-ulat lamang ng mga pangyayari sa ating paligid, paggawa ng mga interviews, pag-iimbestiga (investigative journalism), paghahayag ng mga kaganapan at minsay paglalahad ng kuro-kuro o opinyon. Hindi po sila maaaring magdagdag o magbawas, sapagkat, pag ginawa nila ito, ito ay magiging paninira, pagsisinungaling at pagiging bias na may kaukulang parusa.
Ang ginawa o ginagawa at pananalita ng Pangulo ay may kaabikat na malaking responsibilidad para sa kanyang sarili, sa tao at sa bayan. Kaya dapat siyang mag-ingat bilang pinakamataas nating Lider at maghinay hinay sa pananalita, hindi puro kabastosan, paghahamon, panlalait, pagka hambog ang dapat ginagawa, sapagkat, ito po talaga ay mapupuna ng mga tao, bata, matanda at mga tao sa ibang bansa. Huwag sanang ang medya pa ang ginagawang dahilan at hindi umaamin sa kanyang pagkakamali.
"Malamang ko inuubos nila ang pasensya ni Digong hanggang tuluyang maghigpit to at magalit ang taong bayan sa kanya na mismong mga sariling kalahi o tayo mismo ang magpapabagsak sa kanya."
Ang pagiging Presidente po o totoong Lider ay dapat talaga mataas ang iyong pasensya. Di po dapat mainitin ang ulo kasi nga po kasama po iyan sa iyong mga responsibilidad. Kung hindi mo kaya kontrolin ang sarili mo, eh di hindi ka na lang dapat pang tumakbo at maging lider.
Ang tao po o masa ay hindi naman po basta basta nagagalit, may mga pag-iisip po ang mga tao. Nag-aalsa lamang po ang mga tao pag nakita nila na mali ang ginagawa ng isang lider alinsunod sa batas, kustombre at kaugalian ng mga tao.
"Noon pa issue yang EJK na yan ilang dekada na pero ngayon lang naungkat kung kelan mas kakaunti na ang kaso kumpara sa mga nakaraang administrasyon saka nila pupunahin. Di nakikita ng marami satin yang ganyang klase ng taktika ng mga gustong mapabagsak ang isang leader. Imbes na magsuportahan tayo, makikilahok pa tayo sa mas ikakagulo ng bansa natin."
Totoo po at sumasang-ayon ako sa inyo na ito po ay matagal na isyu na ng EJK gaya ng nangyari sa Davao. Ito po ang sa kadahilanang ang mga tao ay naging takot, walang pakialam o manhid, pagiging panatiko sa lider, at kawalan ng 'moral compass' na siyang turo ng simbahan at ng salita ng Dios. Kahit po sa mga nagdaang administrasyon ay marami pong pumupuna upang maging tama sana ang pamamalakad sa gobyerno.
Ang pagpuna ay hindi po ito taktika ng pagbabagsak, pumupuna po tayo para maituwid ang pagkakamali at gumawa ng tama. Ang pagpuna po ay hindi nangangahulugang nakikilahok tayo sa ikagugulo ng bansa natin. Abir nga, kung walang pumupuna sa pangungurakot ng pulitiko, ano kaya ang mangyayari? Ano kaya ang mararamdaman mo? Dapat po natin isaisip natin na hindi lamang po ang pansarili nating karapatan, kung hindi po ang karapatan din po ng iba.
"Sarili nating kalahi gusto nating hatakin pababa para ang pumalit ay wala na namang magagawang progreso para sa bansa. Ipakita natin sa buong mundo sana kung gaano tayo nagkakaisa para sa bansa natin. Pag nakikita nilang may pumapanig pa sa kanila mas lalakas ang loob nilang diktahan at utusan tayo."
Ang ibig nyo po bang sabihin na ang pagpuna ay paghahatak na? Mali po kayo sa inyong pananaw. Ang mali po dyan ay kung tama naman ang ginagawa ng tao, pero, sinisiraan mo pa rin, iyan po ang panghahatak. At hindi naman ibig sabihin na dahil hindi tayo magkapareho ng opinyon ay hindi na tayo nagkakaisa. Kasi kung hindi po tayo nagkakaisa, matagal na pong nagkaroon ng 'civil war' sa ating bansa. Masabi ko lang na wala naman pong nang didikta sa atin na ibang bansa, nawala na po ang pagiging kolonya natin sa ibang bansa matagal na. Pero posibleng mangyari po iyan sa ginagawang pag-aalyansa ngayon ng Pangulo sa Tsina at Russia, at ano ngayon ang pinag-iba nito? Ma tanong nga kita?
patawa po ba kayo malamang matalino na ang tao ngaun c duterte nga ayaw talga tumakbo nyan eh pero napilitan dahil gusto ng karamihan ng pagbabago kung matatapos na ang term ni duterte malamang isa na namang duterte yan
kasi kung yan ang isinusulong niya, bawat lugar sa pinas na nakatalagang "state" ay magkakaroon ng significant power para i-govern ang kanilang nasasakupan. Decentralize government ika-nga. 
