"Ang mahal ng iPhone X, 'tang ina!"
Naputol ang paghihilik ko (yung may sipol sa dulo) dahil sa lakas ng bulyaw ng katabi kong binatang jejemon sa jeep.
"Mismo, tids!" sabat naman ng isa pang jejemon na katropa ata nung sumigaw. Naka suot ang dalawa ng baggy shorts na kasya ang limang tao at abot tuhod naman ang mga suot nilang puting medyas.
"'Di na 'ko bibili niyan uy!" bulyaw ulit nung nauna. Sumulyap ako sa hawak na selpon nung isa. Cherrymobile na basag basag ang screen at animo'y iniputan ng mga sapot ni Spiderman sa dami ng crack. Napailing ako. Malabo naman talaga, isip isip ko. Mas malabo pa sa malabong mata ni Boy Labo..
Pumikit ulit ako, nagbabakasakaling madudugtungan ang maganda na sanang eksena sa panaginip ko na naputol dahil sa ingay ng dalawang kumag. Umiindayog na kasi noon sa ibabaw ng kama si Kat (Careless Whisper ang tugtog) habang nakatitig ng malagkit sa akin.
At heto na nga, papalapit na siya ng papalapit. Namimilog na ang dalawang mata ko habang sinusundan ko ang pagtalon talon ng dalawang bilugang bola niya sa dibdib. Pinagpapawisan na rin ako ng malamig dahil dalawang dangkal na lang halos ang layo ng mga bola sa mukha ko.
Isang dangkal...
Kalahating dangkal…
Oh, syet. Susubsob na ang muk---
"Sabagay hindi naman na dapat pinagnanasaan makamtam ang X."
Anak ng put---
"Ha, bakit 'tids?"
"Dahil maaalala mo lang kung gano mo siya kamahal dati ngunit sa huli sinaktan ka lang pala."
"Mismooo! Nadale mo, tids! Post na sa GC yan!"
Nag apir pa ang dalawang kolokoy sabay hagalpak ng tawa.
"Mama, para po!" sigaw ko sa tsuper. Nagpasya na akong bumaba agad bago pa ako makasapak.
~~~
WAKAS
But this really happened nung minsan sumakay ako sa jeep, naalimpungatan ako sa ingay ng mga istupidyante. 
