Note:
Sa wakas! Nabuo na ang 2011 story ko. Nagsimula ito sa Domo Stories ko at napagpasyihan kong gawan ito ng sariling thread since magpa-Pasko naman. Ito na, ang full story ng Last Christmas.
Happy Reading!
"Last Christmas"
Biyernes na pala at ito na rin ang huling araw para sa buwan ng Nobyembre. Bukas ay Disyembre na, mukhang wala namang kakaiba eh, oo magpa-Pasko na pero bakit masyadong excited yung mga tao? Dahil ba makakatanggap sila ng regalo? Dahil ba lalamig na ang panahon? Bigla akong napaisip, magdi-Disyembre na pero bakit ang init parin ng panahon? Grabe talaga ang global warming, hindi na tuloy maramdaman ang malamig na simoy ng hangin pagdating ng buwan ng Disyembre. Buti nalang at airconditioned ang room dito sa school, hindi ako ganung naiinitan tsaka kaunti lang ang vacant ko eh, kaya laging nasa room.
Teka may natandaan akong bigla, kamusta na kaya siya? Hindi ko na sya ganung nakikita, hindi naman ako makatingin sa tambayan nila at nakakahiya, I know na mahiyain akong tao pero may magulo side din naman ako eh hindi nga lang masyadong active.
Natawa ako bigla sa isa ko na namang naisip, naalala ko si Taguro, yung nagpapalaki ng muscles, may pursyento pursyento pang nalalaman eh, malamang sa alamang ay body builder yung creator ni Taguro, LOL. Nung umabot ang isandaang pursyentong lakas ni Taguro ay biglang nagbago ang kulay nya, naging color grey bakit naman kaya grey? Putik ba yon? Make-up para sa katawan? Tapos may tusuk-tusok pa sa mga balikat nya, ano kaya yun, sabitan ng hanger? Haha!
“Mr. Mendoza! Mukhang ang lalim ng iniisip mo dyan ah!”
“Ay ma’am sorry po, pinagmamasdan ko po kasi kayo, sobrang ganda nyo po kasi!”
“Hay naku Mr. Mendoza, hindi ako ang tinititigan mo eh, yung upuan mo, nagpupuyat ka na naman ‘no, sobra sobra na yang panonood mo ng Ghost Fighter!”
Malas! Nahuli ako ni ma’am na tulala na naman, kainis, nakakahiya pa sa mga katabi ko, sinadya yata nilang hindi ako galawin para masita ni ma’am, grabe talaga sila, babawi talaga ako pagdating ng panahon.
“Oh pare, nasita ka nanaman ni ma’am, may maganda-maganda ka pang nalalaman dyan ha, baka si ano nanaman yang iniisip mo, haha! Iba talaga kapag inlababo” sabi ni Jack.
“Sorry naman, haha. Galing nga ni ma’am eh, nagpuyat nga ako sa kakanood ng Ghost Fighter. Paano n’ya kaya nalaman yun? Hala! Siguro nagmamasid sya sa aming bahay! Oh my gash!”
“Anong nagmamasid Mr. Mendoza?”
“Ah eh wala po ma’am, sabi ko po, nagmamasid po ako ng mga bagay bagay doon po sa mall para po iregalo sa inyo sa Pasko”
“Aasahan ko yan Mr. Mendoza, goodbye”
“Pare, napasubo ka kay ma’am, haha. Gastos na naman yan, malapit lapit narin ang Christmas break, mawawalan ka na ng pera.”
Hindi ko na sinagot si Jack dun at umalis na lang ako. Habang naglalakad, nakita ko yung crush ko na nakatingin sa akin, bigla akong napatungo at sabay untog ko sa isang pader, napatawa sya sa akin. Dali dali akong umalis sa lugar na iyon. Dumiretso ako sa CR at napa- “WOOHOO!!”
“Akalain mo yun! Napatawa s’ya sa akin! Ang galing galing ko talaga eh! Shet! I’m the King of the world! Wahahaha!”
“Pre, kung magfa-fap ka lang dyan, wag mo namang ipagsigawan ha!”
Mukhang may tao pang iba sa CR, haha. Hayaan mo na s’ya, basta ako masaya, solve na solve ang Friday ko, yeah!
“Yeah boy! Mukhang may gusto din s’ya sa akin, halata naman eh, tinititigan nya ako, haha. Pero, hmm, may gusto nga ba talaga sya sa akin? Oh baka may dumi lang sa mukha ko or may mantsa yung damit ko? Oh no! Baka yung buhok ko na naman na nahahati sa gitna? Waahh! Di ako mapakali dito, shet! Nakakahiya na grabe, kailangan ko magsalamin, magsalamin!”
“Tol, ano ba?! Magdahan dahan ka nga sa pagbukas mo ng pinto! Nakakadali ka eh, tsaka ang ingay ingay mo, para kang hunghang dyan!”
“Ay sorry tol, di ko sinasadya.”
Tinitigan ko ang sarili ko sa salamin, para bang wala akong iniisip, tulala ako sa sarili ko. Walang reaksyon ang aking mukha. May pagkukulang kaya ako?