Panaginip
Sa pagpikit, ikukubli ang kahapong mapait.
Sa panaginip, nakangiti sa halip na galit.
xxx
Ano ang dahilan ng iyong pagpapakita,
kung sa aking pagising ay ikaw ang maaalala,
Alala na ayaw ko ng tanawin o balikan pa,
pero bakit iba ang naramdaman ko ng hagkan kita.
xxx
Alam kong mali pero bakit ganito,
Puso at isip ay biglang nagtalo.
Di ko maitago ang pananabik sayo,
Lumayo ka, wag kang lalapit Hirang ko.
xxx
OO, sana nalaman mo ang aking lihim
Hindi, mali, dapat hindi ko sabihin.
Pwede, Tama, magbabago ang ihip ng hangin.
Huwag, Baka hindi ko makaya ang suliranin.
xxx
Patawarin mo ako, pero hindi ko kaya,
Saktan o paluhain ang kanyang mga mata.
Siya na laging nandyan noong nawala ka.
Patawarin mo ako, mahal kita pero iba siya.
xxx
Sa Pagmulat, kalilimutan ang kahapong mapait.
Sa Hinaharap, Ngingiti at kalilimutan ang galit.
Last edited: