[Novel] Umuuga Ang Kama (Complete 1-18)

photo credit to Eijei Meyou​

Chapter 1

"I've been waiting for this for years..."

Umuuga ang kama sa sobrang bilis at lakas ng ritmo ng dalawang magkasintahan. Halos dalawang taon ring hinintay ni Anjo ang pagkakataong ito, ang maramdaman ang pagpapaligaya ng kanyang kasintahan. Mga impit na ungol lamang ang iyong maririnig galing sa magkadikit na labi ng nagmamahalan. Mga hawak at haplos na talaga namang nakakapang-init ng katawan. Napapa-arko pa ang likod ni Arianne sa bawat pagdausdos ng isang bisita. Hawak ni Arianne ang kanyang buhok at gustong sabunutan ang sarili at ang katipan sa nakakabaliw na sensasyon na kanyang nararamdaman. Nalilito rin siya kung sa likod ba nito siya kakapit para lalong magdikit ang kanilang katawan o sa balikat nito upang makontrol niya ang bilis ng paggalaw nito. Talaga namang hindi matatawaran ang sarap na dulot kapag mahal mo ang iyong kapareha. Tirik matang inilabas ni Arianne ang kanyang pinipigilang ungol kasabay ng pagsambit ng pangalan ng kapareha ay siyang pagputok ng daan papuntang langit.

Umuuga uli ang kama sa isa pang umaatikabong bakbakan, ika nga sa boxing, round 2. Hindi mapigil ng dalawa ang kanilang pagniniig kasabay ng paghalik ng dilim ng gabi. Iba't-ibang pwesto ang kanilang ginawa upang masulit ang oras ng ligaya. Hindi magkamayaw sa paghiyaw si Arianne na parang mababaliw, hindi niya malaman kung dahil ba sa hirap o sa sarap na kanyang nararamdaman.

"Umuuga ang kama." sambit ni Arianne nang makaramdam ng paggalaw nito.

"Baka mahina ang pagkakagawa ng kama para sa atin." pagbibiro ni Anjo.

"No. Seriously, umuuga nga."

"Baka naman lumindol lang? Hindi ko man naramdaman eh." sagot naman ni Anjo na halatang pagod sa pagkakahiga nito. Ipinagkibit balikat na lamang nila ang naramdaman. Bagong lipat dito sa bago nilang bahay ang magkasintahan matapos magpropose ni Anjo kay Arianne sa isang restaurant. Inakala niyang simpleng date lamang ito at talaga namang nasorpresa siya. Hindi naman itinatanggi ni Arianne na mahal na mahal niya ang nobyo at ganoon din si Anjo sa kanya kaya nagpaalam na sila sa kanilang magulang na bumukod upang lumagay sa tahimik. Nakapikit na ninamnam ni Arianne ang alaala.

>

"Bakit parang ang ganda naman ng date natin?" tanong pa ni Arianne noong tumigil ang kotse ni Anjo sa isang mamahaling restaurant. Sa labas pa lamang ay puno na ng ilaw at palamuti ang paligid lalo pa pagpasok nila sa loob. Tumutugtog ang violin at piano kasabay ng pintig ng kanilang puso.

Hindi na nahintay pa ni Anjo ang makaupo sila sa kanilang reserved na upuan. Pagsara ng automatic na sliding door ay lumuhod sa harapan niya si Anjo. Akala mo'y magpupunas lang ng sapatos sa una pero doon pala niya tinago sa medyas niya ang regalong singsing. "Arianne Gutierrez, I love you more than a music can touch your heart. I hear the melodies playing and saying, marry me."

Walang masabi si Arianne sa dialog ng nobyo, hindi niya namalayan na pumatak na pala ang luha niya. "Parang hindi bagay ang suot ko sa engrande mong proposal." sabi na lang niya at ngumiting binitin ang sagot sa nobyo.

"Surprise is a surprise. You'll look more beautiful in our wedding day." sagot naman ni Anjo na hindi pa rin tumatayo sa kanyang harapan, hawak ang kamay ni Arianne. Parang nagtataka na ang itsura ni Anjo dahil sa tagal ng sagot ni Arianne.

Bago pa mawala ang ngiti ng nobyo ay sinagot na niya ito. "Yes!" kasabay ng pagsuot ng singsing na tanda ng engagement nila ay ang pagbuhat sa kanya ni Anjo sa sobrang excitement. "Uy! Ibaba mo ako, andaming tao." sabi pa niya at hinampas ng konti ang dibdib ni Anjo.

Ibinaba lang siya nito nang marating nila ang kanilang upuan. "I'm just so happy." sabi nito at kahit hindi niya sabihin ay halata sa mukha niya ang sobrang saya.

"Nahihiya tuloy akong tumingin sa kanila."

"`Wag kang mahiya." sabi ni Anjo at ngumiti. "Everyone!" sigaw nito.

"Huy!" pigil niya pero may ngiti sa mga labi niya.

"I'm going to marry this woman in 4 months! Everyone is invited!" palakpakan ang lahat at itinaas pa ang basong hawak nila bilang toast. Ang iba ay nag-iingay na gamit ang kutsara na mahinang idinidikit sa baso. "They request a kiss."

"Ikaw kasi eh." sabi nito na abot tainga ang ngiti. Unti-unting lumapit ang mukha ni Anjo sa kanya. A sensational kiss was made by loving couples. Dahan-dahang nagdikit ang labi nila at ilang segundo ring magkadikit. Hindi man madiin pero tamang-tama para maramdaman ang pagmamahalan ng dalawa. Nakapikit nilang ninamnam ang mga segundong palitan ng halik at kalauna'y makakasanayan na nila sa kanilang pagtanda.

Rinig ang palakpakan ng mga tao. May ilan ding couples na sumabay rin sa kanilang halikan. Ilang minuto pa'y bumalik na ang lahat sa normal at mind your own business na.

"After 2 months pwede na tayong lumipat sa bago nating bahay. Yung pareho nating ipinundar." umpisa ni Anjo sa usapan.

"Ha? Eh kailangan muna nating sabihin kila Mama at Papa."

"Sinabi ko na sa kanila. We've been 5 years in a relationship and 2 years getting to know each other kaya ok na sa kanila na bumukod tayo." sabi nito at sumubo sa kanyang panghimagas.

"You sure?"

"Honey, hindi ka pa ba nagtitiwala sa akin?" ngiti ni Anjo.

"Hindi naman sa ganoon. Gusto ko rin naman pero-"

"2 months pa Arianne. Pwede mong tanungin ang parents mo at para maging ready ka na rin."

Ngumiti si Arianne. "Thank you. You've been toooooooo patient for me." sabi nito at kinurot sa pisngi si Anjo.

"That's how I love." sagot naman ni Anjo at dinampian ng halik ang nakanguso pang labi ni Arianne.

"Kiss thief!" pabirong sabi ni Arianne. "Hindi ka na nagbago."

"Masarap kasi kapag nakaw ang halik galing sa'yo."

"Baket? Hindi ba masarap kapag nagpaalam?" She gave him a naughty grin.

"Ok you win." ngiti nito na may konti pang pag-iling. "As always."

Napuno ng tawanan at biruan ang gabi. Umapaw naman ang pagmamahalan at kagalakan, hindi nila alam na susubukin ang matibay nilang relasyon.

>

"Round 3?" sambit ni Anjo nang makapagpahinga.

Ngiti lang ang kailangang sagot ni Anjo upang ipagpatuloy ang pagpapaligaya sa kanyang mahal. Pumaibabaw siya rito at dinama ng kanyang kamay ang bawat kurba ng katawan ni Arianne. Lahat ng parte ay kanyang hinalikan mula ulo hanggang hmm... paa. Hindi maawat ang paglilikot ng katawan ni Arianne sa bawat dampi ng labi ng nobyo, hindi siya mapakali at hindi niya alam kung saan ba ibabaling ang ulo.

Sa kanyang pagbaling ng ulo ay parang may naaninag siyang isang anino. Isang imahe ng isang babae na nakatingin kay Arianne. Napapikit siya ng maramdaman muli ang kanyang bisita, pagmulat niya ay wala na ang imaheng nakita niya kanina. Ang anino na kanina'y nakatingin ay nawala na lang. Pinunasan niya ang pawis na humaharang sa kanyang mata para maimulat na niya ang kanyang mata. Pero wala na talaga ang aninong kanina'y nakatitig lang sa kanya. Nawala sa kanyang isipan ang nakita nang maramdaman ang panibagong paputok para sa kanilang bagong buhay magkasama ni Anjo.

"My turn." sabi niya nang umibabaw si Arianne kay Anjo para maging kapanapanabik ang nangyayari. Parang hinete si Arianne ngayon na habol ang hininga sa pagiging wild niya sa kanyang nobyo. Gustung-gusto naman ni Anjo ang nangyayari hawak ang baywang ni Arianne upang kanyang gabayan sa kanilang ritmo. Napakaingay ni Arianne pero nagugustuhan ito ni Anjo, hindi porque maingay sa kama ay matuturn-off na siya. Hindi ang Arianne na wild ang kanyang minahal kundi ang napakabait at positibong tingin nito sa mundo. Sino ba ang hindi mamahalin si Arianne?

Pagod na pagod si Arianne nang maramdaman ang rurok ng tagumpay. Tagumpay sa pagpaparamdam ng pagmamahal niya sa kanyang nobyo. Bagsak ang kanyang katawan sa ibabaw ni Anjo at nakabitin ang kanyang isang kamay sa gilid ng kama. Parang may malamig na bagay ang dumampi sa kamay ni Arianne dahilan upang mapaigtad siya at maghiwalay ang katawan nilang dalawa.]

"May problema ba baby?" takang tanong naman ni Anjo habang nakitang gulat na gulat ang nobya habang hinihimas ang kamay na parang dinampian ng malamig na bagay.

"May... may dumampi sa kamay ko." sagot naman ni Arianne.

"Honey, baka pawis lang natin `yon." sabi ni Anjo sabay ngiti at punas ng kanyang pawis. "Tumatagaktak pa. Para tayong naligo sa ulan." pagpapatuloy niya at niyakap ang takot na nobya.

"Hindi eh. Parang-"

"Hon, c'mon. Wala kang dapat ikatakot." sabi nito at hinalikan ang nobya. Dampi lang ng labi ni Anjo ay nakakaluwag na ng pakiramdam ni Arianne. Hindi na kailangan pang magsalita nito.

"Siguro nga. You'll take care of me `di ba?"

"Yes. 2 months na lang at ikakasal na tayo and I'll take care of you for the rest of my life."

Arianne felt safe. Safe in Anjo's arms. "Let's sleep. Pahinga na tayo, naghahallucinate na siguro ako."

"You almost drained me. You're awesome! Dehydrated na yata ako." ngiti ni Anjo.

Parehong nagpahinga ang dalawa na may ngiti sa mga labi. Pero si Arianne, hawak pa rin ang kanyang kamay. Sigurado siya na may dumampi sa kanyang kamay at pikit mata niya itong kinalimutan.

~itutuloy

Chapter 1, 2, 3 - Page 1
Chapter 4, 5 - Page 2
Chapter 6 - Page 3
Chapter 7 - Page 4
Chapter 8, 9, 10 - Page 5
Chapter 11 - Page 7
Chapter 12 - Page 8
Chapter 13 - Page 10
Chapter 14 - Page 11
Chapter 15 - Page 14
Chapter 16 - Page 15
Chapter 17 & Last Chapter - Page 17


http://acwrites.blogspot.com

 

[breaker004]

Re: Umuuga Ang Kama 15 (On-going)

uy up mo..

 

[breaker004]

Re: Umuuga Ang Kama 16 (On-going)

Chapter 16

Kinuha ni Anjo ang papel na inihip muli ng hangin. Parang nananadya na mahulog muli upang takutin at pabilisin ang tibok ng kanyang puso. Dahan-dahan pa ang mga kilos niya dahil hinahanda niya ang sarili sa maaring manggulat sa kanya. Maaaring may biglang humawak sa kamay niya o bigla siyang makita sa kanyang pagyuko. Samantalang binuksan naman ni Arianne ang kahon, hinahanda ang sarili sa maaaring makita. Maaaring putol na parte ng katawan ng tao, o isang bagay na hindi inaasahan ngunit parang tinatakot lang niya ang kanyang sarili. Puno lamang ng mga papel ang kahon, mga papel na kinupas na at pinaglumaan na ng panahon. Isa-isang binasa ni Arianne ang mga papel upang marinig rin ni Anjo. Mga sulat ito, love letter na hindi naipadala. Mga laman ng damdamin na hindi naiparamdam. Mga salita ng pag-ibig na hindi masabi ng harapan. Puso na tumitibok lamang sa tulong ng mga sulat.

~

Anjo,

Sumusulat ako ngayon kahit na alam kong hindi ko maipapadala ito sa iyo dahil sobrang nahihiya akong lumapit sa'yo. Wala akong lakas ng loob kausapin ka kaya susubukan kong makipagkaibigan kay Benjie baka sakaling mailakad niya ako sa'yo tutal bestfriends kayo 'di ba? Mukha namang mabait rin si Benjie gaya mo, hindi ko maikakailang bagay kayong maging magkaibigan pero iba kasi ang dating mo sa'kin eh. Saka alam mo ba 'yang mga mata mo ang pinakagusto kong tinitignan kasi sa bawat pagtingin ko sa mga mata mo, para akong tinitignan ng isang anghel. Oo, 'yung anghel na lalake, 'yung matipuno, makisig, mabait at matapang. Sana lang talaga makatulong si Benjie para lalo pa kitang makilala at makita ko rin ng mabuti ang iba pang bahagi ng mukha mo pati na rin ang pagkatao mo.

Marielle

~

Gulat si Arianne sa pangalan na nabasa. Galing ito kay Marielle matagal nang panahon ang lumipas. Paglalahad ito ng lihim na pagtingin ni Marielle kay Anjo. Napatigil siya sa pagbabasa at nakatulala lamang sa hawak na papel.

"Hindi ko alam na may itinatago si Marielle noon." sabi ni Anjo nang makuha ang papel na pinupulot. Ipinagpatuloy ni Arianne ang pagbabasa.

~

Anjo,

Iba ang pakiramdam ko kay Benjie, hindi ko tuloy masabi na gusto kitang makilala. Parang nagpapahiwatig kasi siya, nagpapatangay hangin kumbaga. Ayokong masira ang friendship niyo, tutal pareho niyo namang hindi alam ang lahat ng nararamdaman ko, siguro mas mabuti pang itago ko na lang at lumayo sa inyo bago pa lumalim ang nararamdaman ni Benjie. Susulyapan na lang kita mula sa malayo, iiwas na rin ako sa inyo para hindi na lumaki pa ang gulo.

Pasensya na sa malaking space dito sa sulat kong ito. Napatakan kasi ng luha ko yung papel na ito. Masakit kasi Anjo na mapalayo sa'yo lalo na 'yung kalimutan ko ang nararamdaman ko para sa'yo. Napakasakit isipin na mababaon lang ako sa mga alaala mo, na hindi mo na ako maaalalang nakilala mo ako. Hindi ko yata kaya Anjo.

Marielle

~

Anjo,

Pasensya na sa inyo, hindi ko magagawang ilayo ang sarili ko lalo pa't lumalapit pa rin sa'kin si Benjie. Napakahirap ng sitwasyon ko, wala akong ibang masabihan nito dahil alam kong bawat sikretong ilalabas ko ay makakaapekto sa inyo kapag may iba nang nakaalam. Masaya na rin ako ngayon, bahala na sa hinaharap. Kaysa naman masaktan ako at ilang linggo muling umiyak. Ayoko nang umiyak kagaya noong isang araw, namaga ang mata ko kaya hindi muna ako pumasok kasi baka makita niyo ni Benjie pati na rin ng ibang tao. Siguradong tatanungin nila ako, mahirap magsinungaling dahil baka magkamali ako, mahirap na. Hindi naman siguro malalaman ng iba na mahal na yata kita. Itatapon ko rin naman itong mga papel na dapat ipapadala ko sa'yo. Basta ang importante sa akin ngayon ang kasalukuyan. Masaya akong nakikita kita lagi, kahit hindi man kita makausap ng matagal. Nahihiya ako talaga eh. Sana lang ay hindi mo nahahalata.

Marielle
~

Anjo,

Gaya ng inaasahan ko, niligawan ako ni Benjie. Isang linggo pa lamang gusto ko na siyang bastedin pero bawat oras na kasama ka rin niya, parang hinihiling ko na rin na sana tumagal pang ganito ang sitwasyon. Wala akong magawa, kung babastedin ko siya baka lumayo kayo pareho sa'kin. Baka hindi ko kayanin. Kahit kamatayan siguro hindi mapapatay ang damdamin ko para sa'yo.

Marielle

~

Anjo,

Sorry. Sorry talaga. Bakit ba kasi lagi mong sinasabi na mabait si Benjie, na kaya niya akong protektahan, na maganda ang magiging kinabukasan ko sa kanya? Ilang beses ko na ring inulit itong sulat na ito dahil kumakalat ang tinta ng bolpen sa pagpatak ng luha ko. Hindi ko siya mahal, ikaw ang mahal ko Anjo. Pero... pero sinagot ko siya. Natatakot ako na baka lumayo na kayo sa'kin, hindi pa ako handa. Kailangan ko munang ihanda ang sarili ko bago ko kayo kalimutan. Mahirap. Naging komplikado na ang sitwasyon at alam kong wala ng pag-asa pang maging tayo. Kuntento na lang ako sa pagmamasid ng bawat ngiti mo, ang mga simple mong paglalakad at ang pagiging tulala mo. Hindi na rin kita makausap dahil baka magselos si Benjie. Siguro tama lang ito para unti-unti na ring mawala ang pagtingin ko sa'yo. Sorry Anjo.

Marielle

~

Anjo,

Kamusta ka na kaya? Masaya naman ako kasama si Benjie. Oo, masaya naman kung masaya pero hindi pa rin mabura ang kaunti kong nararamdaman para sa'yo. Nakasiksik pa rin sa isang sulok ng puso ko, hindi lang parang bubble gum na nakadikit, mas malaki pa doon. Parang nakabalot na nga yata yung pader ng puso ko ng pangalan mo eh. Medyo matagal na rin pala akong hindi nakakasulat sa'yo kahit hindi ko ipinapadala. Sign na ba 'yun na unti-unti ng nawawala ang nararamdaman ko para sa'yo? Sana nga para maibigay ko ang gusto ni Benjie. Alam mo 'yun kasi lalake ka. Sana magkaibigan pa rin tayo.

Marielle

~

Anjo,

Bumukod na kami ni Benjie at alam ko na lalong kokonti ang oras na makakasama ka pa namin. Natututunan ko na ring mahalin si Benjie at dahil dito na may sarili na kaming tirahan, mawawala na rin ng kumpleto ang nararamdaman ko para sa'yo. Parang hindi ko na nga nararamdaman eh. Saka may Arianne ka na, maganda pa siya sa'kin. Nakakainis ka kaya pala hindi mo ako pinapasin kasi mataas ang standards mo. Higit siya lahat sa'kin kaya wala akong laban sa kanya. Malamang kung naipadala ko sa'yo 'tong mga sulat ko, baka sinaktan mo lang ako, malamang nga nagpakamatay na ako noon pa. Pwede kaya na ikaw naman ang makasama ko sa susunod kong buhay? Joke lang.

Marielle

~

Anjo,

Nagpropose si Benjie. Nagulat talaga ako pero bakit ganoon, ikaw ang naisip ko noong nakita ko ang singsing nahawak niya. Parang may bahagi pa rin ng puso ko na hinihiling na sana ikaw ang makasama ko. Mali 'yun 'di ba? Saka wala na akong pag-asa sa'yo. May iba ka ng mahal. Kung dati na wala ka pang girlfriend, hindi na kita malapitan ngayon pa kaya ako makikipagkompitensya kung kailan lalo akong walang laban? Huli na ang lahat para umatras, nasagot ko na kasi ng oo si Benjie. Magpapakasal na kami pero itago muna raw namin tapos kapag ok na ang lahat saka namin kayo sasabihan. Kayo ni Arianne ang unang makakaalam, best man ka nga eh sana ikaw na lang ang groom. Ang lalakeng aakay sa akin sa altar, ang lalakeng makakasumpaan ko ng panghabambuhay, ang lalakeng ipapangako kong mamahalin hanggang wakas at ang lalakeng magiging kaisa ko sa lahat ng bagay. Pero bakit ko nga ba pinasok ang gulo na ito? Bakit ko pinahihirapan ang kalooban ko na kalimutan kong minahal kita kahit minsan sa buhay ko? Bakit ako nagmamahal ng pilit? Bakit hindi ikaw ang kapiling ko?

Marielle

~

Anjo,

Iba ang kinikilos ni Benjie, nakita kaya niya ang mga sulat na ito? Parang mula noong isang linggo lagi na siyang lasing umuuwi. Kinakabahan na ako sa kanya, ano na ang gagawin ko? Mahal ko na rin siya pero bakit pa ako sumusulat sa'yo ngayong matagal na tayong hindi nagkikita. Bakit pa ako ngumungiti kapag naaalala kita? Umaasa pa ba ako? Naghihintay pa rin ba ako sa isang bagay na imposible nang mangyari? Wala ka namang alam sa nararamdaman ko. Sana lang maging maayos pa ang lahat.

Marielle

~

Nagkatinginan lamang si Anjo at Arianne nang mabasa ang lahat ng papel sa kahon. Walang alam rito si Anjo. Iling lamang ang isinagot niya sa tingin ni Arianne na parang nagtatanong at nanghihingi ng paliwanag. Ngayon si Anjo naman ang babasa sa papel na kanyang hawak.

~

Anjo,

Ang sakit. Gano'n pala kapag una. Siguro nabasa niya na ang mga sulat na ito. Siguro nalaman na niya ang nararamdaman ko para sa'yo. Masakit rin sa puso ko na hindi mo man lang ako minahal. Habang nangyayari ito, ikaw ang iniisip ko Anjo. Sana ikaw na lang ang nakauna sa'kin pero hindi na maibabalik ang lahat. Isang taon na ang lumipas, wala na ang puso ko, wala na rin ang utak ko pero ang alaalang mahal kita nandito pa rin sa kaluluwa ko. Kasama ng galit sa mga taong dahilan ng pagkamatay ko. Isa-isa ko silang pinahirapan kagaya ng paghihirap kong mailigtas ang kahon na ito. Anjo, papatayin ka niya. Nagmamadali lang siyang umuwi para kunin ang baril niya. Napakahinang nilalang lamang ni Benjie kapag hindi niya hawak ang kanyang baril. Kinutuban ako kaya nagpumilit akong makawala sa posas niya kahit dahilan pa nito ang pagkapilay ng kamay ko, itinago ko ang baril niya sa ilalim ng kama. Doon binantayan ko ito at kahit na nasusunog na ang bahay ay hindi ko ito iniwan. Hanggang ngayon umaasa akong mabasa mo ang mga sulat ko, siguro matatahimik lang ako kapag nalaman ko ang sagot mo. Kukunin na sana kita noon pero bakit pati buhay mo ihinarang mo para lang maprotektahan si Arianne? Pilit kitang kinakausap sa panaginip mo pero bakit boses lang ni Arianne ang naririnig mo? Ngayong dapat ikaw lang ang nandito dahil nabangga dapat kayo sa trak pero bakit may kung ano na nagliligtas sa inyo? Ganyan niyo ba talaga kamahal ang isa't-isa? Paano kung patayin ko si Arianne?

Marielle


~

Pagkabasa nito ay biglang nawala sa tabi ni Anjo si Arianne. "Arianne?!"

"Arianne!!!" sigaw ni Anjo umaasang sumagot ang kanyang hinahanap. Hindi rin tumagal ay naramdaman niyang parang basa ang papel na hawak niya, parang dinadaluyan ito ng kung ano. Pagtingin niya sa papel at sa kamay niya ay puro dugo nanggagaling mismo sa papel. Bigla niyang binitiwan ang papel at ibinato palayo na parang nakahawak ng tae.

~itutuloy

maybe one last chapter to go..

 

[Natsu1213]

Re: Umuuga Ang Kama 16 (On-going)

nice.. ang ganda talaga.ano kaya mangyayare.. update na ulit yan..

 

[camz19]

Re: Umuuga Ang Kama 16 (On-going)

Tapusin! tapusin! tapusin!
Love it.. Soooooooo much!!

 

[0916globe]

Re: Umuuga Ang Kama 16 (On-going)

bitin hehehe update pa boss

 

[breaker004]

Re: Umuuga Ang Kama 16 (On-going)

salamat sa inyong suporta..

kayo talaga, inaabangan niyo to..

 

[mtas]

Re: Umuuga Ang Kama 16 (On-going)

 

[mularaw]

Re: Umuuga Ang Kama 16 (On-going)

super galing....naaliw ako sa kababasa....hehehehe..maraming salamat po..

 

[purplefly]

Re: Umuuga Ang Kama 16 (On-going)

ang galing!!!!!!!!
and ang ganda!!
can't wait sa next chapter.!!!

 

[r3dtnc]

Re: Umuuga Ang Kama 16 (On-going)

thanks very much TS!!! galing galing...

 

[griever1904]

Re: Umuuga Ang Kama 16 (On-going)

..kelan po nxt?? nkakabitin!! hahahahah... tnx ng mdaming madami

 

[breaker004]

Re: Umuuga Ang Kama 16 (On-going)

salamat sa mga patuloy na nag-aabang..

 

[Natsu1213]

Re: Umuuga Ang Kama 16 (On-going)

update na yan

hehe

 

[sabotai]

Re: Umuuga Ang Kama 16 (On-going)

wala bang pdf file to idol???

 

[breaker004]

Re: Umuuga Ang Kama 16 (On-going)

sabotai, wala pa tol, ndi ko pa naisip ilagay sa ganun..

 

[sabotai]

Re: Umuuga Ang Kama 16 (On-going)

sayang tol, hehe para handy dandy na lng, par apag board ako sa class ko binabasa ko ito ehhe!

waiting ako sa pdf idol mhua

 

[demon spade]

Re: Umuuga Ang Kama 16 (On-going)

nangangamoy ending ah.
Mukhang malaki talaga yung kinalaman ni anjo sa pagkamatay ni marielle
worth it ang paghihintay sir.breaker

 

[breaker004]

Re: Umuuga Ang Kama 16 (On-going)

ok ba dSpade?

 

[demon spade]

Re: Umuuga Ang Kama 16 (On-going)

ok ba dSpade?

di lang ok sir.sulit ang iyong pagpupuyat at paghihintay namin mga readers.
Siguro kaya di pinakita arianne ang lahat dahil gusto niyang siya mismo ang makatuklas nito or pwede ring gustong mangyari ni marielle eh magsama-sama sila sa hukay kaya pinapatay niya lahat ng naeenvolve sa pagkamatay niya.
Aha yan yung tumatakbo sa utak ko ngayon

 

[breaker004]

Re: Umuuga Ang Kama 16 (On-going)

2 chapters left... ready for posting..